Lecturer in Te Reo
University of Waikato
He tūranga reo Māori ki Te Pua Wānanga ki te Ao
He Pūkenga (Te Tohu Paetahi) ki Kirikiriroa
Kei ngā matanga reo o te motu, anei te reo whakahei o Te Pua Wānanga ki te Ao, otirā, Te Whare Wānanga o Waikato kia aronui mai koutou ki tēnei tūranga whakaako i tō tātou reo tapu, tūāuriuri, whāioio. He karanga tēnei ki te hunga e pīkoko ana, e ngākaunui ana, e manawawera ana ki te whakaako i tō tātou reo rangatira, ka mutu, te mahi ngātahi, ā rōpū hoki otirā, te nanao i ngā kaupapa reo Māori - tonoa mai.
Ngā tohu/pukenga ka hiahiatia
Ko ngā tohu matua kua whakawhiwhia kētia e te kaitono, ko ngā pukenga/wheako kei tō kete hoki hei Pūkenga:
- Ki te riro i te tangata tōtika me whai tohu pae rua reo Māori, tohu kairangi rānei, kua tata mutu rānei
- Me matatau ki Te Reo Māori me Ngā Tikanga Māori, ka mutu, me whai pūkenga, tohu whakaako, wheakotanga hoki ki te whakaako i tō tātou reo rangatira ahakoa te taumata
- Me mōhio pai ki te kukume tauira mā te whakaako i ngā huarahi whakararata, auaha hoki
Ahakoa kei Kirikiriroa tēnei tūranga me ahei ki te tautoko i te hunga kaiako mai, tauira mai ki tō mātou akoranga ki Tauranga.
I kō atu i ēnā, me mārama pai ki te ao rangahau; te tono pūtea rangahau, te āta whakarite hōtaka rangahau reo Māori anō hoki.
Kāti, me mōhio pai hoki ki te tauawhi, ki te ārahi, ki te tohutohu i te tauira paerua, kairangi hoki.
Te utu
Ka rite te taumata utu ki tō te matatau o te kaitono ki ana pūkenga, mātauranga, wheako hoki e ai ki te tūnga kua tonoa e ia.
Mā te Pūkenga: $93,352 ki te $99,202 ia tau.
Kia mōhio i ngā āhuatanga o te tūnga nei, pāwhiritia tēnei hononga:
For information about this position, click this link: position description
Ko te Tangata - For the People
The University of Waikato prides itself on the quality of its engagement with the communities that it serves, the provision of a world-class education and the national and international impact of its research. Our policies are guided by the principles of the Treaty of Waitangi and equal opportunity for all.
E herea ana te Whare Wānanga ki te kaupapa kia whakaratohia te mea angitū ōrite ki ngā tāngata katoa
Whakapā mai ki a Ahorangi, Sophie Nock īmēra: sophie.nock@waikato.ac.nz
Rā aukati: Ka kati ngā tono hei te Mane, 23 o Pipiri 2025 (ki Aotearoa).
Apply Now
