Pou Tohu | Adviser, Te Pae Huawera

Ministry for Culture & Heritage

  • Wellington

Pou Tohu – Te Pae Huarewa & Te Toi
Tūranga: 2021/80
Tūranga Pūmau

He Mahi Tūturu
Te Whanga-nui-a-Tara
Te Utu $74,025 - $87,088

He ngākau titikaha, he hononga tangata

E hiahia ana koe ki tētahi tūranga matua e whakatairanga ana i te ngākau titikaha, i te hononga tangata ki te whānuitanga atu o te ahurea o Aotearoa? 

Kōrero mō te tūranga

Ko tā te tīma, Te Pae Huarewa, he tautoko i te Pou Mataaho o Te Pae Huarewa ki te hautū i te rautaki e kīia ana ko Te Arataki. He mema te Pou Mataaho nei o te Tīma Hautū a te Manatū, o Te Kāhui Mataaho, e tāpae ana i te kupu ārahi rautaki, e kawea ai a ngāi Māori, te Tiriti, ngā toi, ngā kaupapa here mō te ahurea me ngā taonga tuku iho, te āhua o te whakatinana me te whakahaere putanga. 

He kawenga tā te tīma ki te whai kia noho mai te ahurea Māori ki te iho o tā mātou i mahi ai, ki te whakatō mātauranga ki roto i ā mātou tāngata e kaha ai rātou ki te whakatinana i te tirohanga Māori i roto i tā rātou i mahi ai. I te mahi ngātahi tonu a te Manatū Taonga ki ētahi atu kia kaha ake ai te kawenga, ka mahi Te Pae Huarewa ki te pou hoa haere kōtui e puta ai he hua. 

Kōrero mōu

E kimi ana mātou i tētahi tangata whai pūmanawa e kohara nui ana ki ngā take Māori, e mātau ana ki Te Tiriti o Waitangi, ki ōna mātāpono me āna kawenga. Me mōhio tonu koe ki Te Ao Maori, me whai pūkenga hoki ki te reo me ngā tikanga Māori, me hiahia rānei koe ki te whakapakari i ēnei. 

Ka matatau koe ki te kōrerorero ki ngā kaimahi katoa kia āhei ai rātou te tautoko i ngā tūmanako o ngā iwi me ngāi Māori.

Kia hira tonu ō pūkenga whakapāpā, kia kamakama ki te tāpae whakamāherehere kounga tiketike me te kōrero ārahi, ki te tautoko i te whanaketanga o te āheinga ahurea o Te Ao Maori.

Ko wai mātou 

Kei Te Manatū Taonga he mana whānui, he toronga whānui i roto i te pūnaha matatini. Kei tōna 160 ngā kaimahi, he hinonga pūioio, paparite tēnei, me te aha, ka taea te mōhio ki te ingoa o ō hoamahi katoa. E hāpai ana mātou i te matahuhua me te whakawhāititanga, e ngākaunui ana hoki mātou ki tā mātou mahi, e pōwhiri ana ki ngā tāngata whai wheako mai i ngā rāngai huhua hei whakakaha, hei hāpai i ngā pou o tō mātou whare.

E mahi ana mātou i tētahi rāngai e whakarato ana i te $11 piriona ki te GDP o Aotearoa, me ngā tūranga mahi e 90,000, kei reira ko te hanga kiriata me ngā rāngai puoro tuatini, te pāpāho me te ori hīteki, te kapa haka me ngā taonga tuku iho, me te aha atu anō. Kei te hāpai ā mātou mahi i te whakatairanga a te kāwanatanga i te Aotearoatanga – mai i te kaupapa here ki te tuku kaupapa mahi. I te taha o ō mātou hoa – ko ngāi Māori, ko ngā rangapū rāngai tūmatanui, ko ā mātou rangapū whiwhi pūtea – kei te tūhono mātou i ngā hapori ā-rohe ki ngā wheako ahurea hei whakatupu i tō mātou mātauranga. Kei te tuku pūtea, kei te tuku pūrākau e whakaatu ana i te āhua o ngā tāngata o Aotearoa i tēnei wā, hei whakatere i te ara kei mua – hei waihanga i te whenua whakawhāiti, whakakotahi hei kāinga pai mā ā tātou tamariki.

Tūhuratia mātou i konei: https://mch.govt.nz/about-ministry/jobs-and-careers

Me pēhea te tono

Pāwhiritia te pātene ‘Apply Now’ hei titiro ki te whakaaturanga tūranga, hei tono anō hoki. 

E hiahia ana mātou kia wawe te tīmata a te kaitono angitu.

Mehemea he pātai āu, whakapā atu ki a: Tom Gudopp, Kairuruku Rauemi Tangata: tom.gudopp@mch.govt.nz

Ka katia ngā tono a te 5 i te ahiahi o te Rātapu, te 17 October 2021

*Te Mahi Hangore 

E hāpai ana Te Manatū Taonga i te mahi hangore. E pīrangi ana mātou kia pai tō noho i roto i te mahi, i waho hoki i te mahi, nō reira kōrerotia mai ngā whakaritenga mahi e tika ana māu.

Āheinga

Mehemea ehara koe i te kirirarau o Aotearoa, me whai koe i te āheitanga ki te mahi ki Aotearoa hei mahi mō Manatū Taonga. Tēnā koa whakapā atu ki te New Zealand Immigration Service mō te roanga atu o ngā mōhiohio.

APPLY

 

  • Share this post!