Kaitohutohu Whakawhiti Kōrero Matua / Senior Communications Advisor

Social Workers Registration Board

  • Fixed Term
  • Wellington

He ara pukenga, he ara tauwhiro, hei whakamana mata waka 
The many pathways to knowledge, the many pathways of social work, upholding the dignity of all

He tūranga hou, whakahīkaka hoki tā mātau mō tētahi kaitohutohu whakawhiti kōrero e whai wheako ana, e rite ana ki te kōkiri mahi, ki te tuku kōrero, ki te mahi tahi ki te hunga whai wāhi mai ki ngā taumata ngaio, ki te tautoko hoki i tētahi whakahaere e whakarerekē nei i āna hātepe mahi.

He tūranga aro whānui, takitahi hoki tēnei mō te wā ka tohua, ka noho haepapa ki te Tumu Whakarae, ka riro māna e whakahaere te rautaki whakawhiti kōrero a te kamupene, ngā kōrero mōroto, mōwaho hoki. Kei te rapu mātau i tētahi kaitohutohu whakawhiti kōrero e whai wheako ana hei hari mai i ngā whakaaro auaha mō te whai pānga atu ki ōna minenga tāngata, hei whakapiki haere i ngā ekenga taumata o nā tata nei.

Ka whai koe i ngā āhuatanga o raro nei:

  • He wheako mō ngā mahi pāpāho, ngā mahi whakatairanga me te rāngai whakawhiti kōrero 
  • He mōhio ki ngā tikanga whakahaere kāwanatanga, he mārama ki ngā āhuatanga tōranagpū
  • He mātanga ki ngā āhuatanga o te ture
  • He koi, he naho hoki ki te hiki ake i ngā āhuatanga o te tūranga me te kamupene

Ngā pūkenga matua:

  • He auaha, he aronga whanokē
  • He mārama ki ngā āhuatanga tōrangapū
  • He mōhio ki te whakahaere tūraru
  • He ārahitanga
  • He aronga ki ngā kiritaki
  • He tino pūkenga mō te mahi tahi ki te tangata
  • He tangata whai hātepe, kōkiri mahi
  • He tino pūkenga pai mō te whakawhiti kōrero ā-waha, ā-tuhi hoki
  • He pūkenga hangarau mōhiohio, tae atu ki ngā huarahi pāho pāpori

Hei tautoko i te Karauna hei hoa ki roto o Te Tiriti o Waitangi, ka āta mahi a SWRB ki te whakauru i ngā mātāpono o Te Tiriti ki roto i ā mātau mahi katoa, ki te whakapiki hoki i te mōhio ahurea o ngā kaimahi.

Me whai koe i tētahi tohu mātauranga e hāngai ana me te wheako hoki / rānei ki roto i tēnei rāngai. 

He tūranga whakahīkaka, whai wero hoki tēnei, ā, kei te rapu mātau i tētahi tangata e manawaroa ana ki te haerenga e haere ana mātau hei kaiwhakarite waeture hou. Mehemea ko koe tēnei, me whakapā mai ki a Sandy Matthews i sandy.matthews@swrb.govt.nz, ka tono ai i tētahi tātai tūranga.

Ka kati ngā tono hei te 5 o Ākuhata 2021

 

  • Share this post!