Kaunihera Whakawhanake Ohumahi: Ngā Mema o ngā Kaunihera Kaitiaki WDC

Amy Tea Consulting

Ko te mauri o te tangata, ko te ora o te iwi. 

Arahina te whakawhanake i te ohumahi mō Aotearoa haere ake nei. He tūranga kaitiaki hei ārahi i te ahumahi e waihangahia ai he ara hou mō te rangatahi. 

He whakapuaki  

Ko Te Whakahou i te Mātauranga Ahumahinga, (arā, ko te RoVE) te panoni nui rawa atu o te mātauranga ahumahinga ka kitea e tēnei whakatipuranga. Ko te whakatū i ngā Kaunihera Whakawhanake Ohumahi (arā, ko ngā WDC) hou e ono tētahi o ngā tohu nui. Ka whakarahi ērā i te wāhanga ki te ahumahi hei ārahi i te mātauranga ahumahinga. 

He wāhi nui ā ngā WDC o te pūnaha mātauranga ahumahinga kotahi, e mātua whakarite kia kaha ake te reo ahumahi hei whakatikatika i te ohumahi o Aotearoa mō tēnei wā, ā, haere ake nei. Mā rātou e ārahi, e whakaū ki te whakawhanake i ngā pūkenga a ngā ākonga e tika ana mō te ao mahi. Ahakoa e kore rātou e whakarite whakangungu, mā rātou tonu e tuku i ngā pūkenga ārahitanga, e whakatau paerewa, e whakawhanake tohu hoki. Mā rātou e whakaōrite, e tautoko hoki i ngā whakaakoranga e tika ana hei huarahi atu ki ngā tohu e whaihua ana ki ngā ākonga me ngā ahumahi i tēnei wā, ā, haere ake nei. Mā rātou hoki Te Amorangi Mātauranga Matua (TEC) e tohutohu e pā ana ki te haumitanga mātauranga ahumahinga.

He karanga tēnei kia whakamōhio mai i tō aronga ki te kaupapa nei, mehemea he kaiārahi ahumahi horopū koe e hiahia ana kia whai wāhi ki ngā WDC kaunihera kaitiaki tuatahi, me te āwhina kia whakatūhia ngā WDC hou e ono e hapahāpai ai ngā pakihi me ngā pūkenga e tika ana.  

He maha ngā ara whai wāhi mai.  Atu i te mahi hei mema Kaunihera, me whakatū hoki ētahi o ēnei Kaunihera i tētahi komiti tautapa, kopou rānei hei tautoko i te mahi kōwhiri poari. 

E kimi ana mātou i ētahi mema kaunihera kaitiaki mō ngā WDC e ono hei ārahi i te whakatūhanga o ngā WDC e ono.  Ko aua kaunihera kaitiaki WDC e ono koia ko:

  • Construction and Infrastructure WDC 
  • Creative, Cultural, Recreation and Technology WDC 
  • Health, Community and Social Services WDC 
  • Manufacturing, Engineering and Logistics WDC 
  • Primary Industries WDC 
  • Service Industries WDC 

Ka āta whaiwhakaarotia Te Tiriti o Waitangi i roto i te whakatūtanga o ēnei Kaunihera, ā, ka noho tonu tērā hei tūāpapa mō tā rātou rautaki, aronga hoki.

Mō ētahi atu kōrero mō te whakatūhanga WDC me ngā mahi a ngā WDC tirohia te Education and Training Act 2020, me te paetukutuku a Te Amorangi Mātauranga Matua (TEC).

Pūkenga, wheako hoki    

Arā noa atu te whānuitanga o ngā kano tāngata mō ia poari, kia ngākaunui ki Te Tiriti o Waitangi, kia tū hoki hei māngai mō te whānuitanga o ngā ahumahi. E kimi ana mātou i ngā kaiārahi e tautōhito ana ki ngā mahi kaitiakitanga, he mea nui matatau hoki ki te whakawhiti kōrero, ki te mahi ngātahi hoki, ā, ka ngākaunui ki te kaupapa o ngā WDC . He rōpū hihiri, hīkaka hoki ngā kaunihera kaitiaki WDC tuatahi nei, ā, e hiahia ana kia āta whai hua me te whakarato hoki i ngā mahi ārahitanga tūturu. 

Āpiti atu ki ngā pūkenga me ngā wheako i runga ake nei, kei ia poari ōna ake whāinga mō ngā mema, tae ana ki te:  

  1. Wheako Ahumahi, Horopū hoki. Ka arahina ngā WDC e ngā ahumahi. E kimi ana mātou i ngā tāngata e mōhio whānuitia ana e ngā rāngai e mahi nei rātou. E hiahia ana mātou kia whakaatu mai ngā kaitono i ngā tautokotanga o ō rātou hoa ahumahi, poari, hinonga iwi, hinonga Māori, tae atu ki ngā rōpū kē e hāngai ana.   
  2. He mea hira kia kaha te reo ā-kaimahi ki ngā WDC katoa, nā, e kimihia ana ngā kaitono kua tautokona, kua tautapatia rānei e te Uniana, e te rōpū kaimahi rānei.   
  3. E ngākaunui ana ki Te Tiriti o Waitangi. Ko ngā tāngata he whakapapa Māori tōna, he nui tōna mātauranga ā-ahurea, he hirahira ōna hononga hoki, ā, he wheako mai i ngā rōpū kaiwhakamahi Māori, kaimahi Māori rānei. 

Te tūranga Heamana, Heamana Tuarua hoki  

Ka whai ngā WDC Construction and Infrastructure; Manufacturing, Engineering and Logistics; me te Creative, Cultural, Recreation and Technology i te tauira Heamana-Takirua. Ka whai Heamana, Heamana Tuarua hoki ngā WDC mō te Community Health, Education and Social Services. Ka riro mā te Kaunihera tonu te tauira mō te Heamana o te WDC Primary Industries e whakatau, i te wā ka kopoua rātou.

Ngā Mahi Whai ake  

Mō ētahi kōrero anō, tae atu ki ngā puka tono, haere ki amytea.co.nz/wdc/.  Kia tukua ngā pātai ki wdc@amytea.co.nz

Ka kati ngā tono ā te 16 o Aperira 2021.

Ko tēnei puka Whakahua Āronga mai me te tukanga e pā ana he mea noho wehe i te tukanga o nā noa nei mō ngā mema komiti Tautapa Kopou hoki. Kua kati kē te wā Whakahua Āronga mai mō ngā mema komiti Tautapa Kopou hoki. 

 

  • Share this post!