Ngā Kaihautū Tikanga Taiao - Tumuaki

Environmental Protection Authority

  • Wellington

Parahia te huarahi whakamua – Te Mana Rauhī Taiao

Ko Te Mana Rauhī Taiao te mana tiaki taiao o Aotearoa, ā, ka waihanga ā mātau mahi o tēnei rā i te anamata o Aoteraoa. 

Ko tā mātau mahi matua, ko te tautiaki i ngā āhuatanga noho motuhake o Aotearoa mā te manaaki i te ora o te taiao, o te ōhanga, o te iwi hoki. Tēnei mātau ka rapu i te tauritenga ki waenga i ēnei āhuatanga, koia ka nui te wāhi ki a mātau i ngā mahi tautiaki i tō tātau tuakiritanga, te moana, ngā otaota me ngā kararehe o te motu. Ka tautoko hoki mātau i te ōhanga me te aro ki ngā kaupapa Māori.

Ko Ngā Kaihautū Tikanga Taiao tō mātau poari tohutohu Māori, ka tautapatia ōna mema e te Poari o Te Mana Rauhī Taiao, ka noho haepapa hoki ia ki te Poari. Ka tuku tohutohu a Ngā Kaihautū ki te Poari me te Mana Rauhī Taiao whānui mō ngā tirohanga Māori, arā kia whakauurua mai ēnei ki roto i ā mātau kaupapahere, ā mātau hātepe me ā mātau whakatau.

He rōpū tū motuhake a Te Kaupapa Kura Taiao ki roto i Te Mana Rauhī Taiao ka tuku tohutohu, ka tuku tautoko ki te tari whānui kia whai ngā whakatau a Te Mana Rauhī Taiao i ngā kawenga ā-ture, whānui hoki, ki a Ngāi Māori. 

Te Angitū

Kei te rapu mātau i tētahi Tumuaki whai wheako, māna e ārahi i Ngā Kaihautū. Ka tuku whakaaro whānui ngā mema o Ngā Kaihautū mō ngā take Māori, kaua mō ō rātau iwi ake, ka mahi tahi hoki ki te Kaupapa Kura Taiao. Ka āta mahi tahi te Tumuaki ki te Heamana o Te Mana Rauhī Taiao.

Ko te nui o te wā ka hiahiatia mō tēnei tūranga, ko te rima rā (i ia tau) mō ngā hui, ka tū ki Pōneke i te nuinga o te wā, ā, ko te rima ki te 20 hāora i ia marama, kei runga i te nui o ngā mahi a Ngā Kaihautū.

Kei te rapu mātau i tētahi tangata e whai ana i ngā pūkenga o raro nei: 

  • He mōhiotanga, he wheako hoki mō ngā mahi poari – me tino whai wheako ka tika
  • He tino mōhiotanga ki te ao Māori, ki ngā tikanga Māori me te mātauranga Māori
  • He wheako mō te mahi i te rāngai kāwanatanga
  • He hononga kaha ki ngā iwi me ngā whakahaere Māori, puta noa i Aotearoa
  • He ngākaunui ki ngā take taiao me te wāhi ki Te Mana Rauhī Taiao hei tautiaki i Aotearoa
  • He hononga ki ngā rāngai me ngā whakahaere ōhanga e hāngai ana (hei tauira, ko ngā mahi ngāherehere, pāmu, hī ika hoki)
  • He wheako mō te whakahaere rawa me te taiao
  • He mōhiotanga, he pūkenga hoki mō ngā mahi kaupapahere, whakamāherehere, whakahaere, ā-ture hoki  

Me pēhea te tono mai 

Mō ētahi atu kōrero, me whakapā mai ki a julia.holman@epa.govt.nz, me titiro rānei ki tā mātau pae tukutuku ki www.epa.govt.nz

 

  • Share this post!