Kaiārahi Matua - Hautū Tikanga Mahi (Ahurea)

Ara Poutama Aotearoa, Department of Corrections

  • Hawke's Bay

Vacancy Number: APA/1513145/A
Closing Date: 3rd March 2021
Location: Hawkes Bay (Te Matau a Maui) 

Recruitment Contact: - careers@corrections.govt.nz 

Kaiārahi Matua – Hautū Tikanga Mahi (Ahurea)

Nau mai, haere mai! 

  • Tūranga whakawhiti ki te Pipiri 2022
  • Te akiaki panonitanga mauroa i tētahi whakahaere matatini nunui
  • Te hanga putanga whakamanawa oranga mō te hunga e tiakina ana e mātou me ō rātou whānau
  • Te āwhina ki te tārai i te Ara Māori ki Te Matau-a-Māui

 ‘Kotahi anō te kaupapa, ko te oranga o te iwi' – ‘There is only one purpose to our work:  the wellness and wellbeing of our people.'

Mō mātou

E whai ana te Ara Māori ki Te Matau-a-Māui ki te kopou kaimahi Matua whai wheako hei ārahi i te whakatinanatanga o te Ara Māori i runga i te whakahāngai ki te kaupapa Māori me ngā ara ko te whānau kei tōna iho. E tohu ana ngā tūranga nei i tētahi huarahi e tāraia ai he ara mahi hou e kitea ai he rongoā, he whakaaro hou nō roto mai i te ahurea ka tautoko i tā mātou rautaki o te Hōkai Rangi me tōna ahunga ki te panonitanga o te ngākau mō te pūnaha whakawhiunga ā-ture – tētahi ka whakapakari i ngā āhuatanga papai e mahia ana i tēnei wā, heoi, ko te mea nui ko te para huarahi hou e pai ake ai ngā putanga mō ngāi Maori, mō ō rātou whānau me ngā hapori.

Ko te Ara Māori – Te Matau-a-Māui tētahi o ētahi takiwā whakamātautanga matua e rua mō te kaupapa ka haere mō te whā tau kua hoahoa tahitia ki te whānau, te iwi me te hapū Māori; ki ētahi whakahaere o waho me ētahi tāngata o waho atu o Ara Poutama Aotearoa.  E tohu ana ngā tūranga nei i tētahi huarahi ahurei e whakarerekētia ai e koe te noho a ngā tāne ka mahi tahi ai koe, tae atu ki ō rātou whānau.               

Mōu

E rapu ana mātou i te kaimahi ka kakama ki ngā mahi, ka whakarite putanga mā ngā tāne e aro ana ki a rātou  ko ō rātou whānau. He kawenga tō ngā tūranga Matua ki te ārahi me te whakahaere i tētahi tīma ki te mahi i runga i te whakaaro nui ki te ao Māori ki te whakarite tikanga mahi rōnaki e arotahi ana ki ngā whāinga me ngā wawata o ngā tāne i raro i tētahi Mahere Manaaki Whānau. Ko ngā tūranga hautū matua nei ngā ‘hononga' ki ā mātou pakihi, ka tautoko, ka huawaere i te āta whakariterite ki te whakatinana me te whakatutuki i ā mātou putanga rautaki, me te akiaki i te tutukinga o te panonitanga.  Ka kawea mai e koe ō whakaaro auaha, ō pūkenga whakahaere whanaungatanga, me tō āhei ki te ārahi i tōu nā takiwā, ki te kawe me te hāpai i ngā painga o te Ara Māori. 

Mō te tūranga

Ka tāpaea e te Kaiārahi Matua Hautū Tikanga Mahi (Ahurea) ōna mātauranga ki te kaupapa Māori, ki te hautū hei tā te mātanga me te tautoko taha ahurea ki te tīma o te Ara Māori, e taea ai te whakatutuki te Mahere Manaaki Whānau (WMP). Ka whakaako, ka ārahi rātou i ngā mema o te tīma o te Ara Māori ki te mahi i ngā mahi i runga i te whakaaro ki te tikanga mahi o te ao Māori e noho mai ai ngā matea o ngā tāne me ō rātou whānau ki te iho o tā rātou i mahi ai me te tāpae anō i te tautoko hei tā te mātanga. Ka arotahi te tūranga nei ki mua atu o te whakawhiunga, ā, tukua rawatia ki te hapori. Ko tā te tūranga he whakatairanga, he hāpai, he kōkiri i ngā mahi whakapiki i ngā tikanga mahi o te Kaupapa Māori ina mahi tahi ki a ngāi Māori, me te āhua o te tautoko a tēnei huarahi i ngā wawata o te Hōkai Rangi me ngā Whakaritenga Pāhekoheko.

Ko ētahi o ngā haepapatanga o te tūranga ko:

  • Te tautoko i te Kaiwhakahaere Ara Māori ki te whakatinana tikanga mahi hou mā roto i te Tauira Whakahaere o He Ara Hou e whakawhiti ai ki ngā huarahi ko te whānau kei tōna iho mō te hunga e tiakina ana e mātou i mua i te whakawhiunga, ā, tukua rawatia ki te hapori.
  • Te ārahi, te kawe me te tautoko i ngā kaimahi o te Ara Māori ki te whai i tā te ngaio mātauranga, tāna whakatau take me te whakatau take i runga i te āta whakaaro.    
  • Te whakahaere, te ārahi, te tautoko hei tā te ngaio ki te tautoko i ngā kaimahi a te Ara Māori
  • Te tautuhi i ngā wāhi e whakapikihia ai ngā tikanga mahi me te mahi tahi ki te Kaiwhakahaere Ara Māori ki te whakatinana rautaki/mahere whakapakari i ngā tikanga mahi, hei tā te kaupapa Māori
  • Te huawaere i te whakatinanatanga o ngā tikanga mahi,  ngā kaupapa/taputapu/pūnaha
  • Te āta whai ki te whakatairanga, te whakapai ake me te ū ki ngā kaupapa here tikanga mahi
  • Te āta whai kia rawaka i ngā mahi ngā mātāpono matua kua tautuhia i te Corrections Act 2004
  • Te āwhina ki te arataki i ngā kaimahi o te Ara Māori me te tautuhi mahi whakangungu ki te whakapakari pūkenga

Ko te painga atu ki te whakaatuhia te mārama ki ngā tikanga me te mōhio anō ki te reo Māori.  E tino hāngai ana ngā tūranga nei ki te hunga ka tū māia ki te taunaki i te panonitanga, ka toitoi i tōna anō manawa, ka kakama, ka puāwai hoki i te taiao oma ka huri tonu. Mēnā ko koe tēnei, whakapā mai i te rangi nei.

Kia mōhio mai koa kei Te Matau-a-Māui tūturu ngā tūranga nei.

Me tono ināianei

Ki te tono, tukua mai koa tētahi CV kua whakahāngaitia ki te tūranga me tētahi reta uhi (PDF) e whakamārama ana i te take i hiahia ai koe ki te hono mai ki te kaupapa, ka whakamiramira ai i ngā pūkenga me ngā wheako e hāngai ana. He mea tino nui te hāngaitanga ki tā mātou kaupapa me ō mātou uara ki tō mātou angitu – e tono ana kia tāpaea mai he tauira e whakaata ana, e whakaatu ana i tēnei.

Whakaotia mai koa te rārangi pātai i muri o tō pato i te ‘Submit' hei wāhanga o tō tono. Ka tohu mai tēnei ki a mātou ko tēhea te tūranga e tino whāia ana e koe, waihoki, e tautokohia ana tō tāpae tono mai e tō kaiwhakahaere rāina o tēnei wā 

Apply now

  • Share this post!