Kaitohutohu Pūtea Matua

Social Workers Registration Board

  • Wellington

He ara pukenga, he ara tauwhiro, hei whakamana mata waka

The many pathways of knowledge, the many pathways of social work, upholding the dignity of all 

  • Kei te rite koe kia eke taumata i tō huarahi mahi, kia tuari hoki I ō wheako?
  • Ka minamina koe kia mahi ki tētahi rōpū iti e kaha nei te wero i a ia anō me te hiki mānuka?

Kei te rapu mātau i tētahi kaikaute tūnga waenga kia kuhu mai hei kaiārahi mō tō mātau rōpū pūtea e whakahaere nei i ngāmahi pūtea, kaute hoki o ia rā.  Mā tēnei tūranga e whakarite, kei te whai hua, keii te whai tika hoki ā mātau mahi ki ōna taumata ka taea, kei te rite ngā pūnaha me ngā hātepe mō ngā mahi, ā, kei te whakatutuki mātau i ā mātau inenga pūtea.

Ka mahi tahi koe ki ā mātau kaikaute o waho ki te whakarite kei te wātea mai ngā pārongo katoa mō te tuku pūrongo, ā, kei te whakamahia hoki ngā tino tauira whakahaere pūtea o mohoa noa nei.  Ko tētahi wāhi nui o tēnei tūranga, ko te whakawhiwhi atu i te tohutohu tika ki tō mātau Rōpū Whakahaere Matua, tae atu ki ngā pārongo mō te whakapaunga pūtea me tōna tauritenga kit e tahua me ngā matapae.

He huarahi tēnei mō tētahi kaikaute whai wheako kia eke ki te tūranga whakahaere, arā hei whakahaere i tētahi rōpū iti e kawe ana i ngā mahi utu nama, utu kaimahi hoki o ia rā, mō tētahi kaikaute rānei e whakaaro ana ki te hoki whakamuri mai i tētahi whakahaere nui, pīroiroi. He wā whakahīkaka tēnei mō mātau, e neke ana kia rēhitatia ā-ture ngā tauwhiro, e tipu ana tō mātau whkaahaere kia rite kit e taiao hou. 

E tutuki pai ai ngā mahi o tēnei tūranga i a koe, me ngākaunui koe ki te kawe i ngā tikanga whakahaere pūtea o moroki noa nei, me aro nui ki te kiritaki, me tere te ako, me manawanui hoki ki te tautoko i te rāngai tauwhiro kia whakawhirinakitia, kia uaratia hoki.  

Ngā āhuatanga matu o tēnei tūranga:

  • He Kaikaute Whai Tūtohinga (ko tōna rite rānei) me te wheako mahi toru tau, nui atu 
  • He tino pūkenga mō te tuhituhi me te kōrero, me te āhei ki te tuku whakaaro kia māmā, kia māia hoki
  • He māramatanga ki ngā hātepe tari kāwanatanga
  • He tino pūkenga tātari, whakatau raruraru hoki
  • He pūkenga kaha mō te whakatau take, te tātari, me te hanga mahi tahi.
  • He wheako ki ētahi momo pūnaha, ko te Xero te painga, me te tohungatanga ki MS Excel 
  • He māramatanga ki Te Tiriti o Waitangi me te ao Māori, arā ko te whai panga o ēnei ki te rāngai tauwhiro

Ki te tono mai, kia whakawhiwhia rānei ki tētahi tātai tūranga, me whakapā mai ki mary.weddell@swrb.govt.nz

Ka kati ngā tono hei te 29 o Kohitātea 2021.

 

  • Share this post!