Kaituhi Kaupapa Pakihi

JacksonStone & Partners

  • Fixed Term Contract
  • Wellington
  • Ka mahi tahi me te Kaiārahi Kaupapa Pakihi
  • Ka whakaatu i ō tino pūkenga mō te te tuhi Kaupapa Pakihi
  • He tūranga wā-poto, tae atu ki te Paenga-whāwhā o 2022

Manaaki tangata, Manaaki whānau

Ko te mahi a te Manatū Whakahiato Ora he āwhina i ngā tāngata o Aotearoa kia haumaru, kia pakari, kia tū motuhake. Ka whakapau kaha ia mō ngā tāngata o Aotearoa arā kia whakawhiwhia rātau ki ngā momo tautoko e hiahiatia ana kia manawaroa, kia noho ki ngā hapori whai wāhi, whai tautoko hoki, kia kuhu pai atu ki te pāpori, kia whakatinanatia te pito mata. 

Ko Te Pae Tawhiti te aronga rautaki a te Manatū. Ka whakatakoto mai tēnei i te pēheatanga o ā mātau mahi e whakapikitia ai te ora o ngā tāngata, o ngā whānau, o ngā hapori hoki ka whakaratoa e ia. Kia eke te hua o āna mahi ki tōna nui ka taea, kei te aro te Manatū ki ngā āhuatanga e toru:

  • Mana manaaki – ko tōna tikanga, ko te manaaki i te mana o te tangata mā te aroha, mā te whakarongo, mā te kotahitanga, mā te tauritenga hoki.
  • Kotahitanga – ko tōna tikanga, ko te mahi tahi me ngā whānau, hapū, iwi, ngā kaiwhakawhiwhi ratonga, ngā hapori me ngā tari kāwanatanga
  • Kia takatū tātau – ka noho tēnei hei tūāpapa mō ngā āhuatanga o anamata, arā ka titiro whāroa ki ngā hiahia mō te hapori, te rohe me te whakapakari ōhanga hoki.  

Ka whakanōhia ki te rōpū Whakamahere, Wahakatutuki, Whakahaere ā-Tari ngā mahi hei whakarite i tētahi kaupapa pakihi me ngā mahere hoki e kōkiritia tonutia ai ngā mahi tiro anamata a te Manatū kia whakatutukitia ngā whāinga o Te Pae Tawhiti.

Kua kōkiritia ngā mahi hei whakamahere i ngā wāhanga o te tauira whakarato, engari tērā anō ngā mahi hei whakatinana mai i te tauira whakarato, hei whakatakoto hoki he taipitopito anō mō ngā āhuatanga o anamata e tautokona ai ngā wāhi o te mahi, hei kawe whakamua hoki i ngā kaupapa pakihi whāiti e hāngai ana ki te rapu pūtea hou.

Ka noho here te Kaituhi Kaupapa Pakihi ki te Kaiwhakahaere Wāhanga Whakamahere, Whakatutuki, ka āta mahi tahi ki te Kaiārahi Kaupapa Pakihi me ngā rōpū mahi kia whakaritea mai he kaupapa pakihi e tino whai kounga ana. Ka raranga mai te Kaituhi Kaupapa Pakihi inga whenu katoa o te hātepe kaupapa pakihi, mai i ngā hui awheawhe, tae atu ki te arotake me te whakatau kounga i raro i te ārahitanga o te Kaiwhakahaere Kaupapa Pakihi.

Ko ngā pūkenga e hiahiatia ana, koia ēnei:

  • He wheako mō te whakarite anga pakihi me te whakamahi i tēnei hei ārahi i ngā whakatau ka tukuna ki te Uepū Minita hei whakaāe mai mā rātau
  • He āheinga ki te whakatau take ki tō kotahi
  • He manawaroa, he manawanui hoki ki te mahi i tētahi taiao tere, panoni hoki me te tō mai i ētahi atu ki te huarahi.

Ka rite tēnei tūranga mō tētahi e taurikura ana ki ngā mahi tuhi kaupapa pakihi. Ko te kaitono tino pai, ka mahi tahi ki ngā hoamahi puta noa i te tari, ka whai wheako hoki mō te whakatutuki mahi whai kounga i te wā e rite ana.  

KA KATI NGĀ TONO: Rāmere, 27 o Whiringaā-rangi 2020
ME TONO MAI, ME TIROTIRO TE TĀTAI TŪRANGA KI:  www.jacksonstone.co.nz
TAU PĀNGA: 7444

ME HE PĀTAI ANŌ: me waea mai ki Helen Cox i  04 550 8000

 

  • Share this post!