Pou Whakahaere – Ngā Tūhono ki te Tiriti

JacksonStone & Partners

  • Full Time
  • Multiple Location Options
  • He tūranga hou e ārahi ana i te rōpū hou
  • He tāwariwari te wāhi mahi.

Kei te āwhina a Te Manatū Ahumatua i ngā mahi hei whakanui i ngā mahi hokohoko ki tāwāhi mā ngā ahumahi o Aotearoa, hei whakapiki i te whaihua o ngā rāngai, hei whakarite e haumaru ana ngā kai ka whakaipuria e tātau, hei whakapiki i ngā mahinga rauemi whakauka, hei tautiaki hoki i a Aotearoa i ngā whakamōrearea koiora.

Ka riro māu e ārahi tētahi rōpū o ngā Kaiwhakahaere hei whakapiki i te mahi tahitanga ki ngā mana whenua o te motu, ki ngā Iwi, Hapū, Whānau me ngā momo whakahaere Māori. Ka ārahi koe i te rōpū e whakapūmau ana i Te Tiriti ki roto i ngā mahi o te wāhanga mō ngā Ratonga Whakarite, Whakautu hoki. Ko tētahi wāhanga o tēnei, ko te whakarite i tētahi tikanga mahi tahi mō ngā whakautu ki te taenga mai o ngā kīrearea me ngā māuiuitanga. Ka noho tēnei tūranga hei mema nō te rōpū whakahaere o te Wāhanga Mahi Tahi, Whai Hononga. He tūranga hou tēnei e ārahi ana i tētahi rōpū hou. Nā konei, ka huri, ha tipu pea ngā kawenga o tēnei tūranga ā ōna wā e rite ana.

Ka whai wheako whānu koe mō te mahi tahi ki ngā mana whenua me ngā Hapū, me te āta aro ki ngā take taiao, whakahaere rawa hoki. Kua raupā ō ringa, kua rongo hoki i te whenua, i te wai me te moana, ā, ka nui hoki ō honohononga.  Ka matatau koe ki te reo a te ao Kāwanatanga, ka taea hoki te whakamāori kia rata mai ai te tangata, kia manawanui mai, ka taea hoki e koe te hikoi ki te ao Kāwanatanga me te ao Māori. Ka mōhiotia koe he tangata whakaāhei, he tangata whakatutuki mahi – e mōhio ana ki te wā wāwāhi tahā, ki te wā hohou rongo. 

KA KATI NGĀ TONO: Rātapu, te 29 o Whiringa-ā-rangi 2020
ME TONO MAI, ME TIRO TE TĀTAI TŪRANGA KI:  www.jacksonstone.co.nz
TAU PĀNGA:  BH-7518

ME HE PĀTAI ANŌ: Russell Spratt i 04 550 8000.

 

  • Share this post!