Te Pukenga/Pukenga Matua ki te Kaupapa Arareo Māori

University of Waikato

  • Waikato

E mōhio whānui atu te Wānanga Toi Tangata o Te Whare Wānanga o Waikato ki āna tukanga tirohanga hou ki te mātauranga, te rangahau mātauranga me te whakapūmau ki te whakaniko i te mātauranga mā ngā pekanga mātauranga honohono e toru arā ko ngā pūtoi ako, ko te rangahau me te akoranga ngaiotanga. He huarahi tēnei hei whakauru mai ki tēnei Wānanga auaha hihiko, me te whai wāhi atu anō ki te whakaako, ki te ārahi me te rangahau i te riu o Waikato.

E hiahia ana te Kura Toi Tangata ki te tuku tūranga tūturu ki tētahi Pūkenga, Pūkenga Matua rānei e taea ana e ia te hāpai i ngā kaupapa whakaako me te arataki tohu paetahi, tohu paerua. Me matatau, me mārama hoki ki te reo Māori, ngā tikanga Māori me ngā kaupapa mātauranga o ngā kura tuatahi kia taea ai e ia te hāpai i ngā whakaakoranga o ngā hōtaka mātauranga whakangungu kaiako mā te huarahi o te reo Māori a te Kura.

Me Tohu Kairangi te taumata Pūkenga Matua, ā, e hiahiatia ana hoki ki te taumata Pūkenga. Me whai hononga, ki te taha rangahau ā mātua tau ki te kaupapa mātauranga e tika ana ki te taumata o te tūranga e tonohia ana. E tino hiahiatia ana ngā rangahau e hāpai ana ki te whakaako mā te reo Māori, te Mātauranga Māori me ngā pūtoi ako ki te hopu reo hei reo tuarua. Me āta kitea te angitū o te kaitono ki te whakaako tauira tohu paetahi tae noa ki tōna pakari ki te kauhau ki te tokomaha, te whakahaere tōtika i te whakapuakanga ki ngā rōpū me ngā akoranga ki te tokoiti, ā, me whiwhi hoki i te tohu whakaako hāngai tōtika.

Koia, ka whiwhi i te tūranga, ka whakaako i ētahi o ngā kaupapa o ngā hōtaka a te Kura ki Kirikiriroa, ki Tāuranga hoki, e hāngai ana ki ōna pūkenga. Heoi anō, me āta whakaako i te kotahi, te nui atu rānei o ngā kaupapa marautanga (hei tauira: te Pāngarau, Hangarau, Mahi Toi, Tikanga-ā-iwi, Ngā Reo or, Hangarau Matahiko). Atu i ēnei ka whakaako hoki i ngā pepa o te whakaharatau ngaio o te whakaako, tae noa ki ngā whakamahinga hou o ngā hangarau matihiko. Me āta tohu ngā kaitono i ō rātou pakaritanga marautanga me ngā pakaritanga ngaio. Ka pai tonu mehemea ka taea e te kaitono te arataki ki ngā taumata kairangi/ tohu paerua o ngā tuhinga whakapae, tuhingaroa rānei ka tukua mā te reo Māori.

E pūmau ana Te Whare Wānanga kia puta angitū ai te ākonga Māori me te ākonga Pasifika. Me mātua matatau ki te reo Māori, ā, he mea pai hoki te mōhio ki te whakawhanake hapōri Pasifika.

Ko te whānui o te utu ā-tau o te Pūkenga ko te NZ$77,402 ki te NZ$93,220, ko tā te Pūkenga Matua ko te $95,883 ki te NZ$126,246, i runga anō i ōna tohu me ōna wheako.

Tukua ngā pātai mātauranga ki te Upoko o te Kura; a Sally Peters, nama waea +64 7 856 2889 imēra atu rānei: sally.peters@waikato.ac.nz

Rā kati: 9 o Whiringa-ā-rangi 2020 (te wā o Aotearoa) Tūranga: 400211

For more information and to apply, visit www.jobs.waikato.ac.nz

 

  • Share this post!