Kaitohutohu Māori

Ngāti Koata Trust

  • Nelson-Tasman

Kia hiwa rā, kia hiwa rā! E rapu ana a Ngāti Koata i tetahi Kaitohutohu Māori hei kōkiri i ngā moemoeā, i ngā take nunui o te iwi.

Vision: Te hokinga mai o te manu hākapakapa - Ngāti Koata are flourishing. 

Mission: Tiaki Tangata, Tiaki Taiao, Tiaki Taonga - Caring for our People, Places, and Treasures

E mahi ana te tira o Ngāti Koata i tō mātou tari i Whakatū (Nelson), ā, he whakarewa kōkiri tautoko i ngā whāinga me ngā wawata rautaki o te iwi te mahi nui.  Tētahi whāinga matua ko te whakaora i te ahurea, kei roto nei ngā kōkiri tūhonohono i ngā uri ki tō rātou taha tuakiri, otirā, ki te whakapapa.  Mā te takatū i tēnei rā mō ngā whiwhinga ranea o āpōpō, ka puta tō mātou iwi hei iwi whakapiri, tū tahi, whakaahua kē i tōna ahurea mō ngā tau kei mua.

E kimi ana Te Tarahiti o Ngāti Koata i tētahi Kaitohutohu Māori hei ārahi whakamua i ngā whāinga ahurea o te Tarahiti.  Māu te iwi e ārahi i runga i te whakaaro hihiri, i te wairua tuitui tangata hoki.

Inā rā ngā āhuatanga e kimihia ana mō te kaitono ki tēnei tūranga:

  • Me mātua matatau ki te reo me ngā Tikanga Maori.
  • Me kai-ngākau ki te kawe whakamua i ngā tāngata katoa o Ngāti Koata; he tū pakari, he mōhio ki te arahi i te iwi i te tangata, kia rangatira tonu ngā tikanga mahi.
  • Kia tino tiketike ngā pūkenga whakahaere hononga, tae atu ki ngā pūkenga tāpae kaupapa ki ngā taumata katoa, ki te whānau, ki te hapū, ki te iwi, me te hunga whai pānga o waho.
  • He mōhio ki te arataki hei tauira mō te katoa, he ingoa e mōhiotia ana mō te pai o ngā rautaki kua huaina, kia whakatinanatia, i tau kē.
  • He pūkenga mō te whakahaere kaute, me te hoatu i ngā tātaritanga tūraru.
  • He pūmanawa e mōhiotia ana, he nui ngā mahi kua oti i tau kē, ahakoa te uaua o te horopaki, o te taha ahurea
  • He pūmanawa ki te whakamahere, ki te whakatinana, ki te whakahaere kōkiri, ki te hua i ngā rautaki whai tikanga, ki te whakatinana hoki i ēnei āhuatanga kia hāngai ki ngā whāinga ahurea.
  • He tohu mātauranga tuatoru e hāngai ana, ko te hiahia, he tohu paetahi, paerua rānei i ngā mahi Māori, te Whanaketanga Māori, tētahi ara mātauranga pērā anō rānei/he wheako ōrite e hānga ana rānei.     

Mehemea kei hiahia koe ki te hāpai i te kauae nei kia whakaorangia, kua whakapūmautia, kia whāngaia hoki ā tātou taonga,  me te tautoko i ngā hiahia ahurea o tō tatou iwi, tēnā whakapā mai ki a mātou.

Mō ngā uiuinga matatapu, tēnā whakapā mai ki a Chan Collin 0275 401 027 ki a Sacha MacDonald rānei 027 386 9288, he pai rānei kia tukua mai tō reta tono me tō tāhuhu tangata mā https://recruit.chillifactor.co.nz/jobs/view?id=7211

 Ka noho matatapu tonu ngā pātai me ngā tono katoa.

Ka kati ngā tono ā te: 20 Mahuru 2020.

 

  • Share this post!