View site in Te Reo

Ngā Kaihautū Tikanga Taiao - Mema Komiti Tohutohu Māori ā-Ture

Home
Ngā Kaihautū Tikanga Taiao - Mema Komiti Tohutohu Māori ā-Ture

Ngā Kaihautū Tikanga Taiao - Mema Komiti Tohutohu Māori ā-Ture


JacksonStone & Partners

Closing Date : 27 Apr 2020

  • Te tautōhito i ngā Poari, rōpū tohutohu 
  • He aronga ao Māori 
  • He pūkenga i te ao pūtaiao 
  • He ngāwari ngā hāora / he wā harangotengote 

Kua oti Ngā Kaihautū Tikanga Taiao (Ngā Kaihautū) te whakatū hei komiti i raro i te Ture EPA hei hora whakamaherehere, āwhina hoki ki te EPA kia pai ai tāna anga atu ki ngā whakaaro Māori. E whakaarotia ana he wāhi Ngā Kaihautū nō te EPA (Te Mana Rauhī Taiao), ā, ka tuku kōrero hoki ki te EPA.  Me tae mai ngā whakamaherehere me ngā āwhina a Ngā Kaihautū i runga anō i te whakaaro Māori, i raro i ngā Whakaritenga Mahi nā te Poari a EPA i whakatakoto.

Me kī, ka kawea e Ngā Kaihautū āna herenga ā-ture mā te hoatu whakamaherehere, āwhina rānei ki te Poari e āhei ai ia te aro atu ki ngā whakaaro Māori.  Kei raro i tēnei karangatanga ko ngā take ka tautoko, ka pā rānei ki ngā tikanga Māori, ki te mātauranga, ki te Tiriti o Waitangi, ki ngā tūmanako ā-ohanga, ā-pūtaiao, me ētahi take ka pā ki te mahi a te EPA.

Ko ētahi o ēnei i ēnei tau ko ngā pūrongo mō ngā whakaaetanga EEZ (ngā whaitua ohanga o te moana), me āna mahi, ngā tono HSNO (ngā matū mōrearea), me ngā tāpaetanga ki ngā kaupapa mahi a EPA.   Ahakoa e kī ana mātou ka haere tonu tēnei, kei te titiro whakamua mātou ki te whakarahi i ngā hua ka takohatia mai e Ngā Kaihautū ki ngā herenga ā-ture a EPA (Te Mana Rauhī Taiao).

Kei roto i te kōmiti ētahi mema, ina huia katoatia, ka kawe mai i te tōnuitanga o ngā pūkenga hōhonu, me ngā tino wheako i ētahi wāhi huhua, tae noa ki ēnei (ahakoa kāore e mutu mai i konei):

  • Te reo, ngā tikanga me te mātauranga Māori 
  • Ngā wheako o te hunga whai pānga i roto i ngā āhuatanga pēnei i te tauhokohoko, te pakihi (te mahi ngahere, te mahi ahuwhenua, te hī ika), ngā ohanga toro-whānui, me te toitū
  • Te whakahaere rawa, taiao hoki 
  • Ngā wahi pūtaiao, hangarau hoki e hāngai ana (mātai matū, mātai koiora rāpoi ngota/mātai iranga, pūhanga, mahi tākuta, pūtaiao ā-taiao)
  • Te Whakaaro rautaki 
  • Te Whakaruruhau 
  • Te whakamahere kaupapa here tūmatanui, te whakahaere tūmatanui me ngā ture 
  • Te tuitui i te ao Māori ki ngā taunakitanga pūtaiao me ngā here o te ture
  • Te whakamahi i tō kakama ā-hinengaro kia tino pai ai te whakawhiti kōrero
  • Te noho mai o ngā Iwi me te kapinga o te motu
  • Te mōhiotanga me te māramatanga ki te whāinga o te EPA me ōna kawenga
  • He tangata e whakaponotia ana i roto i te ao Māori

Ehara i te mea e kī ana mātou, kua matatau ngā komiti takitahi ki ēnei āhuatanga mātauranga katoa, ko te kaha o te komiti, kei ōna mōhiotanga, ōna pūkenga, tautōhito hoki ina pūpūtia hei kotahitanga.  Ahakoa rā, kua kitea kētia i mua e te iwi nui tonu te māramatanga ki ngā take matatini, ki te mahi i te taumata whakaruruhau, ki te tuitui hoki i te ao Māori, i te pūtaiao, ki ngā tikanga Māori me ngā ture.

KA KATI NGĀ TONO: Rāhina, 27 Paenga-whāwhā/Āperira, 2020 

TONO MAI, TIROHIA TE WHAKAATURANGA TŪRANGA RĀNEI KI: www.jacksonstone.co.nz

TOHUTORO: 6750

MŌ ĒTAHI ATU PĀTAI: Russell Spratt i 04 550 8000

Copyright Taea Ltd 2013.