View site in Te Reo

Te Tumu Whakarae

Home
Te Tumu Whakarae

Te Tumu Whakarae


Te Mātāwai

Ngā Mātāpono a Te Mātāwai

•  He reo tuku iho te reo taketake o Aotearoa
•  Ko ngā iwi me ngāi Māori ngā purutanga mauri o te whare o te reo mauri ora • Poua, whakatipuria, tāwaharautia te reo ūkaipo i roto i ngā hapori
•  Kia raka te mauī, kia raka te katau
•  Kia ū ki te wairua Māori

He huarahi tēnei mōu e whai wāhi nui atu ai koe ki te whakarauora i te reo Māori.

Tēnei te pōhiri a te Poari o Te Mātāwai ki ngā tāngata kua whai tohu hāngai, kua whai whēako hoki e hāngai ana, kia tono mō te tūranga o te Tumu Whakarae.

He hinonga ā-ture a te Mātāwai e whakahaua ana kia mahi tahi ki ngā hapori Māori me ngā tari Karauna ki te hāpai ake i te reo Māori puta noa i Aotearoa. Mō ngā hapori ko te haumi i ngā kaupapa reo Māori, mō ngā tari Karauna ko te āta whai kia arohia te reo Māori i te taumata ki te kāwanatanga.

Nā ēnei āhuatanga ko ngā kawenga a te Tumu Whakarae ko:

  • te āta ārahi i Te Mātāwai e tika ai ngā whakahaere whānui a te tari me tāna whakatutuki i āna mahi;
  • te mahi ngātahi ki te Poari ki te whakarite i ngā whāinga pae tu-ā-roa ahu atu ki te pae tawhiti, ngā kaupapa here tuku pūtea me ngā whakatau, ngā kaupapa tōmua ā-tau me ngā whāinga;
  • te whakatinana i ngā kaupapa here me ngā whakatau a te Poari, te whakatutuki i ā rātou whāinga; me
  • te tuitui me te āta tiaki i ngā tūhononga whai tikanga ki ngā hunga whai pānga nui ki Te Mātāwai;

Ko ngā pūkenga kei te kaitono ka tino paingia:

  •  ko te papai o ngā pūkenga whakawhiti kōrero [ā-tuhi, ā-waha hoki] ki te reo Māori me ētahi atu reo:
  • ko te mōhiotia o te whai tikanga me te papai o tāna whakahaere tari, whakahaere kaimahi, whakahaere pūtea anō hoki:
  • ko te ngākau pūmau ki te whakatairanga me te whakamahi i te reo me ngā tikanga Māori ka taea te whakakite:
  • ko te matatau ki ngā tikanga o te rāngai tūmatanui tae atu ki ngā mātāpono o te whakaōrite whiwhinga mahi:
  • he toro whānui ōna whatunga tangata me tana whai wāhi atu ki te hapori:
  • kei ngā taumata tiketike tōna mana whaiaro, tāna i whakatau ai me tōna ngaiotanga:
  • e mārama ana ki ngā kaupapa a te rāngai whakarauora i te reo Māori me te kakama anō ki te hopu ake i ngā take matua: ka mutu,
  • e tuwhera ana te hinengaro, e auaha ana te whakaaro ki ngā mahi me te arotahi ki te kimi rongoā whai kiko.

Ka taea ngā whakamārama mō te tūranga me te puka tono mō te Tumu Whakarae te tiki atu i te hononga e whai ake nei:

https://www.seek.co.nz/job/41168303?type=standard#searchRequestToken=fbf92cb9-0c05-4ff8-

Tohua tō tono ki te "Matatapu - Te Tumu Whakarae”.

Copyright Taea Ltd 2013.