View site in Te Reo

Kaihuaweare Haumitanga / Investment Facilitators (2)

Home
Kaihuaweare Haumitanga / Investment Facilitators (2)

Kaihuaweare Haumitanga / Investment Facilitators (2)


Te Mātāwai

Closing Date : 28 Feb 2020

E kimi ana a Te Mātāwai i ētahi Kaihuawaere Haumitanga tokorua kia hono mai ki te rōpū o Te Mātāuru (Haumitanga) tētahi wāhanga o tā mātou tīma ki Te Whanga-nui-a-Tara e tupu tonu nei. Ko Te Mātāuru tētahi o ētahi pīkaunga matua e toru e hautū ana a Te Mātāwai hei uruparenga ki te hiahia kia whakarauoratia te reo Māori.

Ki te rite tō whakakitenga ki tō mātou, arā, kia whakahaumanutia te reo Māori hei reo ūkaipō, māu pea te kaupapa nei.

E kimi ana mātou i ētahi tāngata e rite ana tāna i whakapono ai ki tō mātou, arā, ko ngā hapori me ōna tāngata kei te iho o te katoa o tā tātou i mahi ai. E whakapono ana mātou e mōhio ana ā tātou tāngata he aha ngā mahi ka āwhina i te whakarauoratanga o te reo Māori i ō rātou ake whānau, hapū, iwi me te hapori nui tonu.

Me he mema koe o te tīma o Te Mātāwai team, ka tautoko koe i te Pou Haumitanga me ngā toihau tokowaru o ngā Pae Motuhake e whakakanohi ana i ō rātou Kāhui i te motu whānui.

Ka mārama koe ki te hira o te haumi i te whakarauoratanga o te reo, ka tino pai hoki ō pūkenga whakahaere me tō whakawhanaunga ki ētahi atu. Ka puāwai koe i te taiao tīma tokoiti, i te tautoko me te huawaere i ngā whakatau a ō mātou Pae Motuhake (pae kāhui ā-iwi) i a rātou ka aromatawai tono haumitanga e tautoko ana i te whakakitenga me ngā mahere haumitanga a Te Mātāwai.  

E hono mai ai ki te whānau o Te Mātāwai me mārama koe ki te tikanga Māori, me kōrero Māori, me āhei rānei ki te whakaatu i te ū o tō ngākau ki te ako.

Haere ki https://www.tematawai.maori.nz/communications/job-vacancies-maori mō ētahi atu kōrero.  

Mehemea ko koe tēnei, īmērahia mai te puka tono kua oti mai i a koe, tētahi reta uhi me tō Tāhuhu Tangata ki a mahi@tematawai.maori.nz. Tukua mai hoki ngā pātai ki taua wāhi anō. Ka noho matatapu ngā tono me ngā pātai katoa.

Ka whakaaetia ko ngā tono anake a te hunga e mana ana te mahi ki Aotearoa.

Copyright Taea Ltd 2013.