View site in Te Reo

Group Manager Collection Services - Poutakinga Rōpū Ratonga Kohikohinga

Home
Group Manager Collection Services - Poutakinga Rōpū Ratonga Kohikohinga

Group Manager Collection Services - Poutakinga Rōpū Ratonga Kohikohinga


Ngā Taonga Sound & Vision

Closing Date : 23 Feb 2020

He mea whai take te pūranga taonga nā te whai take hoki nō ngā mea tuku iho. Kei ngā pūranga e puritia ana ā tātou kōrero, e toka ai ngā mea i pā ki a tātou, kō wai rā tātou, ko wai tātou ināianei. He whakarangatira tāna i tō tātou mana ā-iwi me tō tātou aro hoki ki ngā tikanga a iwi kē.
 
Archives matter because history matters. Archives hold our stories, give us evidence about what has happened, who we were and who we are. They enrich our sense of identity and our understanding of our cultures.
 
Kei ngā pūranga ā tatou kōrero tuku iho e puritia ana kia mahara ai tātou i ahu mai tātou i hea. I konei ka mōhio tātou ki ngā āhuatanga o tērā iwi o tērā iwi me te motuhaketanga o Aotearoa i te ao whānui.
 
Ko Ngā Taonga Sound & Vision te pūranga ataata rongo o Aotearoa. Tā mātou he tiaki, he atawhai i ngā pūrākau, i ngā mahi auaha, i ngā tātai kōrero o Aotearoa i roto i ōna tangi, i ōna oro, me ōna ataata. 
 
Nā te mea he mema koe nō te kāhui hautū ka riro māu e ārahi ngā tikanga tiaki tino tiketike mō ngā taonga i ā mātou kohinga, kia noho toitū kia noho wātea hoki mō tēnei whakatupuranga, me ngā whakatupuranga hou.
 
He toa hautū koe i ngā tikanga rautaki? 

  • He kaihautū raranga tangata koe, he mōhio ki te tūhonohono ki te ruruku i ngā mahi matatini?
  • Kei te mārama koe ki te whakaaro auaha, whakaaro motuhake, hei mema tonu o tētahi kāhui?
  • He tino pakari rawa atu tō whakahaere hononga, ō mahi takawaenga, me ō pūkenga whakawhanaunga?

 
E kimi ana matou i:

  • Tētahi tangata e mōhiotia ana tōna ingoa i waenga i te iwi, he maha ōna toronga i ngā hapori maha.
  • He pakari tonu āna mahi kōtui ki ētahi atu pātaka taonga, whare taonga hoki.
  • He whānui tonu āna mahi mō te mātauranga.
  • He mōhio ki te tūhono ki te whakaawe tonu i te whakahaere katoa i te taumata rautaki.
  • He pakari tonu, he whai kiko hoki ngā kōtuitanga ki te iwi me te ao Māori.

 
Kua tautōhito koe i roto i ngā mahi hora wāhanga mahi Ratonga Kohinga, ā, mehemea kua tautōhito koe ki te whakauru haere i ngā hangarau IT/matihiko hei whakapiki i ngā mahi o tētahi whakahaere, ko te painga atu tērā.
 
KA KATI NGĀ TONO: Rātapu, 23 Hui-tanguru/Pēpuere 2020
TOHUTORO: 6837                                                                                      

TONO MAI, TIRO MAI RĀNEI KI TE WHAKAMĀRAMA MŌ TE TŪRANGA: www.jacksonstone.co.nz
 
MŌ ĒTAHI ATU PĀTAI: Russell Spratt, Richard Stone rānei ki 04 550 8000

 

Copyright Taea Ltd 2013.