View site in Te Reo

Pou Ārahi - Deputy Chief Executive Māori

Home
Pou Ārahi - Deputy Chief Executive Māori

Pou Ārahi - Deputy Chief Executive Māori


Ngā Taonga Sound & Vision

Closing Date : 23 Feb 2020

He mea whai take te pūranga taonga nā te whai take hoki nō ngā mea tuku iho. Kei ngā pūranga e puritia ana ā tātou kōrero, e toka ai ngā mea i pā ki a tātou, kō wai rā tātou, ko wai tātou ināianei. He whakarangatira tāna i tō tātou mana ā-iwi me tō tātou aro hoki ki ngā tikanga a iwi kē.
 
Archives matter because history matters. Archives hold our stories, give us evidence about what has happened, who we were and who we are. They enrich our sense of identity and our understanding of our cultures.
 
Kei ngā pūranga ā tatou kōrero tuku iho e puritia ana kia mahara ai tātou i ahu mai tātou i hea. I konei ka mōhio tātou ki ngā āhuatanga o tērā iwi o tērā iwi me te motuhaketanga o Aotearoa i te ao whānui.
 
Ko Ngā Taonga Sound & Vision te pūranga ataata rongo o Aotearoa. Tā mātou he tiaki, he atawhai i ngā pūrākau, i ngā mahi auaha, i ngā tātai kōrero o Aotearoa i roto i ōna tangi, i ōna oro, me ōna ataata.
 
 
Ka noho koe i waenga pū o tētahi ara hou i roto i ngā tātai kōrero o Ngā Taonga Sound & Vision, inā hoki ko koe te kanohi i roto i te Rōpū Hautū e hora nei i te hautūtanga rautaki, ki tā te tirohanga Māori, puta noa i te whakahaere. Ka riro māu e whakawhanake ngā kaupapa here me ngā ritenga mahi e tika ana hei whakatairanga, hei whakatāhuhu hoki i ngā wawata mō te mahi kōtui i raro i te Tiriti.
 
Kei te kimi mātou i a wai?

  • He tangata tautōhito ki ngā mahi hautū, whakahaere, tae atu ki te whakatakoto rautaki, hora matakitenga hoki me te whakawhanaketanga ahurea mō te whakahaere.
  • Te āhei ki te whakawhanake me te pupuru i ngā hononga kounga tiketike ki ngā kaipupuru pānga, otirā mō ngā iwi Māori me ngā hapori Māori, he mea tino hira.
  • He tino matatau ki ngā āhuatanga o Te Tiriti o Waitangi me ōna pānga ki te whakahaere.
  • He tino matatau ki te reo Māori, taha tuhituhi, taha kōrero.
  • He māia pū ki te mahi tahi me ngā whakahaere tiaki taonga me ngā whare kāwanatanga, tae atu ki ngā Minita me ngā pou ārahi mātāmua.

 
He aha ngā painga mōu?

  • He whāinga wāhi ki te arataki i te whakaaro rautaki kaupapa Māori.
  • He horopaki e whakaaro nui ana mō te tiaki me te tiri i ngā taonga ataata rongo

tuku iho o Aotearoa.

  • He mahi tahi ki ngā tāngata ngākau-nui ki ā rātou mahi, he kaikā hoki ki te tiri i tō rātou mōhiotanga, mātauranga hoki ki ētahi atu.
  • He wāhi mahi atawhai i te tangata me tōna whānau, he whakaritenga mahi ngāwari hoki.

 
KA KATI NGĀ TONO: Rātapu, 23 Hui-tanguru/Pēpuere 2020
TOHUTORO: 6836
TONO MAI TIRO MAI RĀNEI KI TE WHAKAMĀRAMA MŌ TE TŪRANGA: www.jacksonstone.co.nz
 
MŌ ĒTAHI ATU PĀTAI: Russell Spratt, Richard Stone rānei ki 04 550 8000

 

Copyright Taea Ltd 2013.