View site in Te Reo

Kaiwhakahaere Matua

Home
Kaiwhakahaere Matua

Kaiwhakahaere Matua


JacksonStone & Partners, AgResearch

Closing Date : 10 Feb 2020

 

  • He kaihautū pakari, taha rautaki, taha ahurea
  • Ka noho ki Ōtautahi

 
He hinonga rangahau AgResearch nō te Karauna. E 700 ōna tāngata kei ētahi tari rangahau e whā, me ētahi pāmu e iwa, ko tāna he kawe whakamua i te whakawhānuitanga o ngā ahumahi tuatahi o Aotearoa me ngā huringa momo whakamahinga whenua.  Ka mahi kōtui AgResearch ki te rāngai tuatahi ki te tautuhi, ki te hora hoki i ngā mahi auaha e tika ana hei whakatupu hua mō Aotearoa. Ko tāna he hoatu mōhiotanga hou, hangarau hou, ka noho hei kahupapa mō ngā puna whakatupu hua o te taha whāngai kararehe, whakatupu kai, hangarau kai hoki. Mā konei ka tautokona te toiora o Aotearoa i te taha ōhanga, me ngā mahi o Aotearoa mō te taiao.
 
Ko koe te Tumuaki e tuku pūrongo ana ki te Poari mā te Heamana, ā, ka mahi tahi koe me tō Tīma Whakatinana ki te whakawhanake, ki te kōkiri, ki te whakatinana hoki i ngā rautaki, ki te ārahi i te whakaumutanga ahurea o AgResearch, me āna mahi kōtui ki ōna hoa mahi me te hunga whai pānga. Ka riro māu e whakatupu tōna wairua auaha, tōna kaha ki te wānanga kaupapa, māu e whakarite tikanga e tautokona ai, e whiwhi ai hoki te whakahaere ki ngā rawa tika hei whakatutuki i ōna whāinga me āna kōkiri.  Māu e ārahi tētahi whakahaere kanorau, ōrite, haumaru mō te katoa me te hāpai i te rautaki Te Ara Tautika o AgResearch.
 
He tumuaki tautōhito koe, ā, ka kawea mai e koe ō mahi o roto i ngā tau i ō ara ārahi, whakaumu whakahaere hoki. Ka noho ō mahi whakamana i te tangata kē, whakaoho, whakatau take, whakatakoto rautaki hei kahupapa mō ngā mahi raranga rōpū kounga tiketike ngā mahi.  Na ō pūmanawa kua kitea noatia atu i mua ki te whakawhanake, ki te whakatinana hoki i ngā whāinga rautaki, ahurea hoki, kua mōhiotia tō ingoa hei kaihautū tūturu, motuhenga hoki, e kawe whakamua ana i ngā mahi mā te pai o ō tāngata. Me whai tohu mātauranga hāngai ki te tūranga.
 
He tino whāinga wāhi tēnei hei ārahi, hei akiaki hoki i tētahi rōpū he maha ōna mātanga pūtaiao, ōna mōhiotanga, pūkenga anō hoki.
  
KA KATI NGĀ TONO: Mane, 10 Pēpuere 2020                                                         

TONO MAI, TIRO MAI RĀNEI KI TE WHAKAMĀRAMA MŌ TE TŪRANGA:  https://www.jacksonstone.co.nz/jobs/6743/

REFERENCE:  6743
 
MŌ ĒTAHI ATU PĀTAI: Waea mai ki a Simon Urquhart-Hay, ki a David Hollander rānei ki 04 550 8000.

 

 

Copyright Taea Ltd 2013.