View site in Te Reo

Tumu Whakarae

Home
Tumu Whakarae

Tumu Whakarae


JacksonStone & Partners, Hawke’s Bay DHB

Closing Date : 28 Jan 2020

  • He tautōhito whānui i te rāngai hauora i ngā tūranga hautū rautaki
  • E hāngai ana te tūranga ki ngā mahi whakatinana, me ngā putanga hua  
  • He whai mana, he auaha

E tahuri ana a Whakawāteatia (Te Poari Hauora o te Matau a Māui -HBDHB) ki te tohu i tētahi Tumu Whakarae hou (CEO), hei raranga i tētahi kāhui mahi kākano-maha, e taea ai te hora ratonga hauora ki tēnei takiwā ahurei. 

Kei Whakawāteatia (HBDHB) te haepapa ki te whāngai pūtea, ki te hora ratonga hauora hoki ki tōna taupori, 165,000 tāngata, 3,200 hoki ana kaimahi, mā tētahi kupenga ratonga  ka kapi nei te tai rawhiti o Te Ika-a-Māui. He takiwā e tino mōhiotia ana mō tonā huarere pai me te rangatira o te noho o te hunga o reira.  Ka mahi tahi te Tumu Whakahaere me te Poari ki te hora i tōna rautaki hauora i runga i te hihiko, e piki ake ai ngā putanga hauora, me te whiwhinga ōrite mō te katoa o te hapori. 

Mā tēnei tūranga e whakapau kaha kia horaina e te rāngai ngā ratonga haumaru, kounga tiketike hoki i roto i tētahi pūnaha he hātepe te hanga, e horaina ai ngā taurimatanga me ngā manaakitanga i te wāhi tino hāngai. 

Ka noho te haepapa mō te whakawhanake wairua kakama, ngāwari, pono hoki, ki tēnei tūranga, e puta ai he hua pai i te taha pūtea.

He tūranga tēnei e kitea ai e te hapori katoa, ā, ko te tangata mō tēnei tūranga he kaihautū auaha ka mōhio ki te whakatupu i te māramatanga, ki te whakawhanaunga hoki ki ngā whakahaere rāngai tūmatanui toro-whānui. 

E puta ai he hua i tēnei tūranga, me kaihautū te kaitono ka taea e ia te kawe i te ngākau, te whakahihiko hoki i tana kāhui kaimahi, me tangata kaingākau ki te whakapiki i te hauora tūroro, me ngā putanga hauora, nā tana whakamau ki ngā hua ka puta. 

He mea tino nui te tautōhito whānui o te tangata i te rāngai hauora, me te pakari ki te taha pūtea, i ngā tūranga hautū rautaki, tae atu ki ngā pūkenga whakawhanaunga whai hua, e taea ai e ia te mahi ki ngā iwi me ngā hapori o te rohe, me ngā kaipupuru pānga matua, mō tēnei tūranga. 


KA KATI NGĀ TONO:
  Rātū, 28 Kohi-tātea (Hānuere), 2020

TONO MAI, TIRO MAI RĀNEI KI TE WHAKAMĀRAMA MŌ TE TŪRANGA:  https://www.jacksonstone.co.nz/jobs/6740/

TOHUTORO:  6740

MŌ ĒTAHI ATU PĀTAI: Waea mai ki a Simon Urquhart-Hay, ki a Richard Stone rānei ki 04 550 8000.

 

Copyright Taea Ltd 2013.