View site in Te Reo

Pūkenga reo Māori

Home
Pūkenga reo Māori

Pūkenga reo Māori


University of Waikato

Closing Date : 27 Nov 2019

Te Pua Wānanga ki te Ao

Kei ngā pihiariki o ngā waka o te motu, anei te reo whakahei o Te Pua Wānanga ki te Ao kia aronui mai koutou ki tēnei tūranga mahi whakaako i te reo Māori. He karanga tēnei ki a koutou e ngākaunui ana, e manawawera ana ki te whakaako i te reo Māori, otirā, ki te nanao i ngā kaupapa tautoko i te reo Māori, i ngā huarahi whakaako i te reo Māori anō hoki, me tono te tūranga nei ka tika.

Ki te riro i te tangata tōtika me whai kairangi/takutanga e hāngai pū ana ki te reo Māori, kua tīmata kē ki te whai i taua tohu rānei. Me matatau ki te reo Māori me te tikanga Māori, ka mutu, me whai pūkenga, wheakotanga hoki ki te whakaako i te reo Māori ahakoa ko tēwhea taumata. Me mōhio pai ki te kukume tauira mā te whakaako i ngā huarahi whakararata, auaha hoki.

I kō atu i ēnā, me mārama pai e te tangata tōtika me pēwhea te tono pūtea rangahau ahakoa nō whea, me mārama pai me pēwhea te āta whakarite i tētahi hōtaka rangahau mō te reo Māori. Kāti, me mōhio pai me pēwhea te ārahi, te tohutohu i te tauira paerua, kairangi rānei.

Anei te rahi o te utu mō te pūkenga NZ$75,514 to $90,946 ia tau, engari i runga anō i ā koutou tohu, ō koutou pūkenga/pūmanawa, me ō koutou wheakotanga.

Tēnā, whakapā mai ki te Toihuarewa a Brendan Hokowhitu, te Amokapua o Te Pua Wānanga ki te Ao, īmēra: brendan.hokowhitu@waikato.ac.nz 

Rā aukati: 27 o Whiringa-ā-rangi 2019 (ki Aotearoa)

Tūranga mahi: 390413

Ki te hiahia tono i te tūranga mahi nei, tēnā, whakapā mai ki www.jobs.waikato.ac.nz 

Copyright Taea Ltd 2013.