View site in Te Reo

Lecturer/Senior Lecturer in Māori Medium Education

Home
Lecturer/Senior Lecturer in Māori Medium Education

Lecturer/Senior Lecturer in Māori Medium Education


Te Kura Toi Tangata School of Education, Division of Education - The University of Waikato

Closing Date : 26 Aug 2019

Ko te Wehenga Mātauranga o Te Whare Wānanga o Waikato e mōhio whānuitia ana mō āna tukanga tirohanga hou ki te mātauranga, te rangahau mātauranga me te pūmau ki te whakaniko i te mātauranga mā ngā pekanga mātauranga honohono e toru o te whakaako, te rangahau me te ako ngaio. He huarahi tēnei hei whakauru mai ki tēnei Wehenga auaha hihiko, me te whai wāhi atu anō ki te whakaako, te arataki me te rangahau i te riu o Waikato.

E hiahia ana Te Kura Toi Tangata ki te tuku tūranga tūturu ki tētahi Pūkenga, Pūkenga Matua rānei e taea ana e ia te hāpai i ngā kaupapa whakaako me te arataki tohu paetahi, tohu tāura. Me matatau, me mārama hoki ki te reo Māori, ngā tikanga Māori me ngā kaupapa mātauranga o ngā kura tuatahi kia taea ai e ia te hāpai i ngā whakaakoranga o ngā hōtaka mātauranga whakangungu kaiako mā te huarahi o te reo Māori a te Kura.

Me mātua whiwhi Tohu Kairangi te taumata Pūkenga Matua, ā, e hiahiatia ana hoki ki te taumata Pūkenga. Me whai hītori whakahirahira, me mōhio whānuitia hoki āna tākohanga ki te kaupapa mātauranga e tika ana ki te taumata o te tūranga e tonohia ana. E tino hiahiatia ana ngā tūāhua rangahau whāngai i te whakaako mā te reo Māori, te Mātauranga Māori me ngā pūtoi o te hopu reo tuarua. Me āta kitea te angitū o te kaitono ki te whakaako tauira tohu paetahi tae noa ki tōna pakari ki te kauhau ki te tokomaha, te whakahaere tōtika i te whakapuakanga ki ngā rōpū me ngā akoranga ki te tokoiti, ā, me whiwhi hoki i te tohu whakaako hāngai tōtika.

Koia, ka whiwhi i te tūranga, ka whakaako i ētahi o ngā kaupapa o ngā hōtaka a te Kura ki Kirikiriroa, ki Tāuranga hoki, e hāngai ana ki ōna pūkenga. Heoi anō, me āta whakaako i te kotahi, te nui atu rānei o ngā kaupapa marautanga (hei tauira: te Pāngarau, Hangarau, Mahi Toi, Tikanga-ā-iwi, Ngā Reo or, Hangarau Matahiko). Atu i ēnei ka whakaako hoki i ngā pepa o te whakaharatau ngaio o te whakaako, tae noa ki ngā whakamahinga hou o ngā hangarau matihiko. Me āta tohu ngā kaitono i ō rātou pakaritanga marautanga me ngā pakaritanga ngaio. Ka pai tonu mehemea ka taea e te kaitono te arataki ki ngā taumata kairangi/ tohu paerua o ngā tuhinga whakapae, tuhingaroa rānei ka tukua mā te reo Māori.

E pūmau ana Te Whare Wānanga kia puta angitū te ākonga Māori me te ākonga Pasifika. Me mātua matatau ki te reo Māori, ā, he mea pai hoki te mōhio ki te whakawhanake hapōri Pasifika.

Ko te whānui o te utu ā-tau o te Pūkenga ko te NZ$75,514 ki te $90,946, ko tā te Pūkenga Matua ko te NZ$93,544 ki te $123,726, i runga anō i ōna tohu me ōna wheako.

Tukua ngā pātai mātauranga ki te Upoko o te Kura; a Sally Peters, nama waea +64 7 856 2889 imēra atu rānei: sally.peters@waikato.ac.nz 

Rā kati: 26 o Hereturikōkā 2019 (te wā o Aotearoa) Tūranga: 390157 For more information and to apply, visit www.jobs.waikato.ac.nz 

Ko te Tangata – For the People

At the University of Waikato we define ourselves by our academic and research excellence and the strength of our international connections.

Our motto, Ko te Tangata, underlines our acknowledgement of the Treaty of Waitangi, equal opportunity for all, the importance of collegiality, and the individuals who are our staff, students and stakeholders.

E herea ana te Whare Wānanga ki te kaupapa kia whakaratohia te mea angitū ōrite ki ngā tāngata katoa.

Copyright Taea Ltd 2013.