View site in Te Reo

Kaitohutohu Māori Pūmanawa Tikanga

Home
Kaitohutohu Māori Pūmanawa Tikanga

Kaitohutohu Māori Pūmanawa Tikanga


Jackson Stone & Partners

Closing Date : 26 Mar 2019

  • He āwhina i te māramatanga me ngā pūmanawa o te whakahaere
  • He whakawhānui i te noho tahi me ngā kaipupuru pānga matua
  • He taiao whakahoahoa, tautoko tangata hoki


Ko tā te rautaki Te Ao Māori a te Pūtea Matua he whakapakari i te māramatanga puta noa i te pēke mō te ōhanga Māori, tae atu ki ōna umanga, ōna whakaritenga whakatau take, ōna hiahia, me ōna pūmanawa.  Mā tēnei māramatanga ka kaha ake te whakatau take i te pēke mō ngā kaupapa here pūtea, me te tōtika, te kakama hoki o te pūnaha moni.

Ka riro māu e kawe tētahi tūranga matua whakawhanake, whakatinana hoki i ngā rautaki mō te reo Māori me ngā tikanga, waihoki ngā kaupapa me ngā kōkiri mō te reo me ngā tikanga, kia pai ai te whakawhānui a te pēke i tāna whakapiri atu ki te hunga pupuru pānga o waho, kia whakawhānuitia hoki tōna māramatanga ki te ōhanga Māori. Ka riro māu e hautū te rōpū mahi mō ngā pōwhiri, ngā whakatau, ngā wānanga, ngā hui me ērā āhuatanga katoa. Ka mahi tahi tonu koe ki te Kaihautū Kaupapa (Te rautaki o te Ao Māori), Te Kāwana Kaiāwhina /Te Kaiwhakahaere Matua mō te Taha Mana, Rautaki me te Whanaungatanga ā-Rōpū, me te Kāwana tonu o te Pūtea Matua, ā, he tino whāinga wāhi tēnei kia tuia tahitia Te Ao Māori me te Pūtea Matua.

Kia kaua e iti iho i te whā tau ōu e mahi ana hei kaiāwhina / kaitohutohu ahurea i roto i te taiao hapori, kāporeihana rānei, ā, me tangata ngākau-nui ki te hora kōkiri Reo Māori, tikanga Māori mutunga mai o te pai, te ātaahua.  He tangata reo-rua koe, arā, me matatau koe ki Te Reo Māori. Ka mōhio hōhonu koe ki ngā tikanga, ki te kawa me Te Ao Māori, ā, me mōhio koe ka taea e koe te kawe i ngā mahi whakapiki kounga, huri noa i te pēke, i tua atu hoki. He hōhonu tonu ō taura whanaungatanga ki te ao Māori. He tangata pea koe kua whai tohu mātauranga mō ngā āhuatanga Māori, mō te Mātauranga, te Pakihi, mō tētahi atu kaupapa mātauranga hāngai ki tēnei momo mahi rānei, ā, he ngākau-nui ki te ao pēke, pūtea moni me te ōhanga Māori.

KA KATI NGĀ TONO: Tūrei, 26 Māehe 2019
TONO MAI, TIRO MAI RĀNEI KI TE WHAKAMĀRAMA MŌ TE TŪRANGA: www.jacksonstone.co.nz
TOHUTORO: 5833

ĒTAHI ATU PĀTAI: Waea atu ki a Russell Spratt, ki a Annabel McCallum rānei 04 550 8000

 

 

Copyright Taea Ltd 2013.