View site in Te Reo

He Tūranga Pūmau

Home
He Tūranga Pūmau

He Tūranga Pūmau


Te Kōhanga Reo o Mana Tamariki

Closing Date : 17 Dec 2018

He tūranga pūmau wā kīkī e wātea ana i Te Kōhanga Reo o Mana Tamariki atu i te 22 o Kohitātea 2019. Ko ngā haora 8.30am ki te 4.00pm.

Me matatau te kaitono ki te reo Māori me ētehi wheako Māori tūturu, ā, he pai mehemea kua whai i Te Tohu Whakapakari Tino Rangatiratanga rānei, i te tohu kōhungahunga rānei. Ki te kore, me whakaae te kaitono ki te whai i tētahi tohu e tika ana mō te whakaako i te tamaiti nohinohi.

E hiahia ana ki tētahi kaiwhakaako ki te tautoko, ki te whakapakari hoki i ngā tamariki i raro i ngā mātāpono o Mana Tamariki, o Te Aho Matua, o Te Korowai me Te Whāriki.

Ka whai wāhi te kaiwhakaako ki ngā mahi whakariterite i te mahere ako, ki te whakatinana i te ako me te whakaako, ki te aromatawai, ki te arotake hoki i te ako me te whakaako. Ka tautoko te kaiwhakaako i te ako a ngā tamariki i ngā horopaki maha. Ka noho ia hei tauira ki ngā tamariki, ā, ā tōna wā, ki ētahi atu kaimahi hoki.

E ū ana a Mana Tamariki ki Te Whāriki, ki Te Aho Matua, ki te reo Māori, ki te mana Māori. Haere mai e ngā kaitono e hiahia ana ki te hāpai i a mātau.

He puka tono tūranga mahi tā Mana Tamariki. Ka tikina mā te tono īmēra atu ki te tari o Mana Tamariki tari@manatamariki.school.nz 

Tukuna mai i te taha o tō reta uhi me tō Tāhuhu Tangata (CV) ki a:

Leanne Clayton Kaitiaki

Katia ai ngā tono ā te Mane 17/12/2018





Copyright Taea Ltd 2013.