View site in Te Reo

Pouako Wharekura - Pāngarau/Pūtaiaio

Home
Pouako Wharekura - Pāngarau/Pūtaiaio

Pouako Wharekura - Pāngarau/Pūtaiaio


Te Kura Kaupapa Māori o Mana Tamariki

Closing Date : 29 Nov 2018

Wā Kikī/Pūmau - atu i te 21/01/2019

Nōte tau 1995 i whakatūria ai Te Kura Kaupapa Māori o Mana Tamariki. He kura Arongatahi (Tau 1 – Tau 13) ki te taone o Papaioea. E 60 ngā ākonga Tau 1 – Tau 11.

He wāhanga te kura o Mana Tamariki whānui āpiti atu ki te kōhanga reo i raro katoa i te tuanui kotahi.

Ko tētahi o ngā paearu whakauru tamariki kia kōrero Māori anake tētahi o ngā mātua rānei, ngā mātua tokorua rānei ki ngā tamariki katoa o Mana Tamariki.

Ko Te Aho Matua te tūāpapa o te kura, ā, he mema te kura o Te Rūnanga Nui o ngā Kura Kaupapa Māori o Aotearoa.

Kei te rapu a Mana Tamariki i tētahi pouako mātau ki te kōrero Māori, he mātau hoki ki ngā tikanga Māori. Kia whai wheako angitū hei pouako pangarau/putaiao wharekura i te kura kaupapa Māori Te Aho Matua.

Ko te painga atu kua rēhitatia te kaitono, ā, kua riro te tiwhikete parakatihi katoa ināianei. He raihana taraiwa katoa ināianei tā te kaitono.

He mea nui kia whai wāhi koe ki ngā kaupapa ā tō/ōhapū, ā tō/ōmarae.

Kia mōhio ki Te Aho Matua. He wheako angitū hei pouako ārahi i te marautanga, he mārama ki te whakaako, ki te whakahaere hoki i ngā mahi NCEA, ā, kua kitea te eke kairangi.

He mea nui tōkaha ki te whiri taura here ki te tangata, ki te hapori hoki, tae atu ki ngā tamariki, ngā kaimahi, ngā mātua/kaumātua me ngā kaiārahi o Rangitāne ki roto tonu i te kura.

“Kia kaha te kōrero Māori” – koinei te pepehā a te kura. Ko te whāinga kia whakaratoa he mātauranga reo Māori ko Te Aho Matua te tūāpapa, ā, he kounga tonu. Ko tā te kura he hāpai i ngā whānau ki te whakatutuki i te tuku ihotanga o te reo Māori i te whānau, heke, heke.

Tonoa mai tōreta tono, tōtātai pūmanawa i te taha o te puka tono. Kei te Kaiwhakahaere Matua te puka tono. Whakapā atu ki:

Te Kaiwhakahaere Matua
Miria Wipaki 06 3564383
tari@manatamariki.school.nz  

Mōētahi atu kōrero whakapā mai ki a Miria Wipaki ki te tau waea i runga ake nei, mā te īmēra rānei ki “tari@manatamariki.school.nz

Katia ai ngā tono hei te Tāite 29 Noema 2018.

Copyright Taea Ltd 2013.