View site in Te Reo

Turanga hou mō te Kaitātari Rangahau Matua

Home
Turanga hou mō te Kaitātari Rangahau Matua

Turanga hou mō te Kaitātari Rangahau Matua


Te Mātāwai, Te Whanganui a Tara

Closing Date : 29 Oct 2018

E kimi kaimahi ana a Te Mātāwai mō te tūranga o te Kaitātari Rangahau Matua ka noho ki raro tonu mai i te Kaiwhakahaere Rangahau o Te Mātāwai. He tūranga papai tēnei e mahi ai koe i tētahi whakahaere me tētahi tīma hou. He hinonga ā-ture motuhake hou a Te Mātāwai i whakatūria ki te hautū i te whakarauoratanga o te reo Māori ma ngā iwi me ngāi Māori.

Mehemea he pūkenga ou ki te tono ratonga, ki te whakahaere kirimana - e hiahia ana a Te Mātāwai kia rongo kōrero i a koe.

He kōrero mō te tūranga

Ko tā te tūranga nei he ārahi i ngā hātepe me ngā tikanga tono ratonga mō ngā mahi rangahau me ngā mahi aromatawai a Te Mātāwai, me te noho anō hei mātanga ka toroa mō te raraunga me te pārongo mā Te Mātāwai. Ko te hiahia anō mō te tūranga ko te tuari i nga kitenga rangahau me ngā kitenga raraunga aromatawai ki te Poari me ngā pae Kāhui hei tautoko i te whakatakoto mahere me te whakarauora i te reo. Ka tautoko tēnei tūranga i te Kaiwhakahaere Rangahau. He tūranga tūturu pūmau tēnei, ka mahia mai i Te Whanga-nui-ā-Tara.

He kōrero mō Te Mātāwai

I whakatūria a Te Mātāwai i raro i te Ture Reo Māori 2016. Kua tuhia te Ture ki te reo Māori me te reo Ingarihi, ka mutu ko te mea Māori te mea whai mana - he tuatahitanga mō te pūnaha ture o Aotearoa.

E toru ngā kawenga matua a Te Mātāwai:

  • Te Mātāuru – te haumi i ngā mahi reo Māori ($10.8 miriona i te 2017/18).

  • Te Mātātupu – te haumi i te mahi rangahau ($1 miriona i te tau).

  • Te Matatū – ngā pūtea whakahaere mō te tari me te Poari (e $3 miriona i te tau).

    Ko ētahi atu kawenga a te Te Mātāwai ko:

  • Te tuku kupu ārahi ki te Karauna mō te whanaketanga o tētahi Rautaki Maihi Karauna.

  • Te kopou tāngata ki Te Aratuku Whakaata Irirangi Māori me te tautapa tāngata mō Te Māngai Pāho me Te Taura Whiri i Te Reo Māori.

  • Te hautū tahi i Te Aratuku Whakaata Irirangi Māori ki te Minita Whanaketanga Māori me te Minita Tahua.

Mō ngā kōrero whāiti o te tūranga (tae atu ki ngā tohu utu) whakapā mai koa ki a Candice.Russell@tematawai.maori.nz. Ka kati ngā tono ā te 9 i te ata o te Rāhina, te 29 o Whiringa-ā- nuku 2018. Ka whakaritea ngā uiuinga atu i te 5 o Whiringa-ā-rangi 2018 haere ake.

Copyright Taea Ltd 2013.