View site in Te Reo

Kaitātari Mātāmua, Arareo Māori

Home
Kaitātari Mātāmua, Arareo Māori

Kaitātari Mātāmua, Arareo Māori


Education Council, Whanganui-a-Tara

Closing Date : 26 Oct 2018

                       Hāora katoa. Kei Te Whanga-nui-a-Tara

  • He kai-ngākau koe ki te mahi me te tira kaiako ngaio, kia horaina he whakamaherehere kaupapa here kounga tiketike
  • Ka whakatata atu, ka piri atu koe ki te tangata, ki te rōpū, me te whakapono nui a te tangata ki a koe, waihoki, he nui ō toronga.
  • He rawe koe ki te whakawhitiwhiti kōrero, ki te tuhi hoki ki te Reo Māori ki te Reo Ingarihi anō hoki.

Ko Matatū Aotearoa Education Council te rōpū ngaio mō ngā kaiako mai i ngā pūtahi kōhungahunga, kōhanga reo tae noa atu ki ngā kura tuatahi, tuarua hoki, mō ngā kura arareo Ingarihi, arareo Māori anō hoki. Tā mātou, he tautoko i te tira ngaio kia eke ia ki āna anō ritenga, paerewa hoki.  Ka whakapūmau mātou i te whakapono o te iwi whānui ki te tira whakaako, me te tū hei māngai mōna anō.

Kei te kimi mātou i tētahi Kaitātari Mātāmua Arareo Māori i tā mātou tīma Kaupapa Here, Whakatinana hoki.  Māu e āta whakaū tikanga e pai ai, e tika ai te hoahoa me te whakatinana i ngā kaupapa here o te Kaunihera i roto i ngā horopaki akoranga arareo Māori.

Kia tino matatau koe ki ngā take kei mua i ngā kaiako arareo Māori, i te hunga whakaako i ngā kaiako hoki, me te noho mārama tonu ki ngā hātepe kaupapa here tūmatanui.  Tāu mahi, he whakapakari i ngā hononga ki ngā kaiwhaipānga ki te mātauranga arareo Māori, me te mahi nui kia tautohutia ngā hiahia ahurei o ngā kaiako arareo Māori, otirā kia āta whakaarotia, kia whakatutukitia hoki.
  
E kimi ana matou i:

  • Tētahi tohu paetahi akoranga tuatoru mō te mātauranga, ngā kaupapa here pāpori rānei, te whanaketanga Iwi/Māori rānei
  • Kaua e iti iho i te 5 tau e mahi ana i ngā huarahi mahi i takea mai i te Tiriti o Wairangi, i ngā mahi hoa kōtui hoki mō te whakawhanake kaupapa here.
  • He pūkenga hōhonu mō te whakawhitiwhiti kōrero ki te Reo Māori me te mātauranga hōhonu mō ngā tikanga mahi o te Ao Māori.
  • Ngā pūkenga tuhituhi, tātari hoki tautōhito ki Te Reo Ingarihi me Te Reo Māori
  • Te māramatanga me te mōhiotanga ki ngā horopaki kaupapa here Kāwanatanga me te tira ngaio kaiako

Hei tono:

Tēnā tukua tō tāhuhu tangata me tō reta mō runga ki 
recruitment@educationcouncil.org.nz ki te ingoa nei, ki a:  Hikitia Ropata, Manager Policy and Implementation, Education Council.

Mō ētahi atu mōhiotanga me tētahi whakahua o te Whakamārama mō te Tūranga, tēnā haere ki konei.  Kia mārama, me whai tika ā-ture koe kia mahi i Aotearoa.

Kei te āhua tonu o te tutukinga pai i ngā tātaritanga pirihimana, tohu matauranga hoki te whakatūranga o tōna tangata ki te tūranga nei.

Ka kati ngā tono hei te 9am hei te Rāmere, 26 Whiringa-ā-nuku 2018. 

 

Copyright Taea Ltd 2013.