View site in Te Reo

He Tūranga Wātea - Job Vacancy Kaiako

Home
He Tūranga Wātea - Job Vacancy Kaiako

He Tūranga Wātea - Job Vacancy Kaiako


Te Kāhui Kōhanga Reo, Te Whanga-nui-a-Tara

Closing Date : 28 Oct 2018

Tōku reo, tohu ohooho
Tōku reo, tōku mapihi maurea
Tōku reo, tōku whakakai marihi

E kimi ana te whānau o Te Kāhui Kōhanga Reo i tētahi kaiako. He tūranga wā kikī tēnei, mai i te 8 i te ata ki te 4:30 i te ahiahi. Ki te angitu to tono, ka tuhono mai koe ki tētahi taiao hihiri, ki tētahi whānau manawanui, wairua hihiko, uekaha anō hoki. Ko te tokopae o nga tamariki, ko te 31. Ko tā te whānau he whakarato i nga momo whakangungu whānui, huhua hoki hei poipoi i ā mātou kaimahi kia tū hei kaihāpai i te reo Māori, hei mātanga kaiako anō hoki mā nga tamariki nohinohi.

I whakatuwhera te kōhanga reo nei i te tau 1984, ki te hāpai i te reo Māori me ōna tikanga. Ko te reo Māori tōnu te whainga matua o te Kōhanga reo nei me te whakatipu i ā mātou tamariki kia tu pakari i te ao.

Me pumau mōhio te kaitono ki ngā āhuatanga e whai ake nei:

  • ngakaunui ki te poipoi i ngā Tamariki
  • me matatau ki te reo Māori
  • kei a ia te tohu Whakapakari (e whai ana ranei)

He mea whakahirahira te kaupapa o te Kōhanga reo nā reira me kaha tautoko ngā kaitono i ngā whainga o te Whāriki. E hiahia ana mātou i etahi kaimahi kaha ki te hāpai i te tuakiri i roto i te tamaiti, ā, whakatenatena i tōna mana motuhake.

Ka kati ngā tono mō tēnei tūranga hei te 5pm, 28 Oketopa 2018.

Ina kei a koe ngā pukenga e hiahiatia whakapā mai ki a mātou 04 389 6007. Tuku mai tō tāhū kōrero ki a mātou mā te īmera whanau@k09c005.kohanga.ac.nz.

Copyright Taea Ltd 2013.