View site in Te Reo

Kaiwhakahaere Kakara Whakarei (Whanaketanga Ahurea)

Home
Kaiwhakahaere Kakara Whakarei (Whanaketanga Ahurea)

Kaiwhakahaere Kakara Whakarei (Whanaketanga Ahurea)


Raukawa Charitable Trust

Closing Date : 03 Aug 2018

Kua wātea mai he tūranga he ruarua ōna ritenga, he ātaahua hoki, i te taha whakahaere mātāmua i te rōpū o Raukawa Charitable Trust.   Ko tā te Rōpū Pakihi o te Kakara Whakarei he hāpai ētahi wāhanga rautaki e toru  – Te Akoranga Ahurea, Te Reo me ngā Tikanga, ā, ko Te Tiriti me te Rangahau te tuatoru.  I roto i tēnei tūranga hōu ko te tūmanako mā te kaiwhakahaere ā-rōpū e hora mai te aratakinga rautaki, māna hoki e whakahaere te rōpū o te Kakara Whakarei, tae atu ki te kōkiri i ngā kōtuinga me ngā hononga rautaki, te whakahaere i ngā kirimana o nāianei me te waitohu i ngā whāinga wāhi pakihi hōu.

Te tikanga kua whai te tangata i ēnei e whai ake nei:

  • He tohu mātauranga paerua, paetahi rānei e hāngai ana.
  • Tekau tau, tōna itinga, o ngā mahi hāngai tonu i tētahi tūranga mātāmua i roto i tētahi whakahaere kaihora kaupapa Māori.
  • Te kaha e mōhio pūmautia ana mō te ārahi, mō te whakahaere me te hora i ngā kaupapa rautaki, whanaketanga ā-iwi hoki, mai i te huanga i te kaupapa ki te otinga pai.
  • Te kaha kua kitea e te iwi ki te whakatatoko ahunga mō te ihu o te waka, me te mōhio ki te whakamārama i te kaupapa ki te iwi.
  • He matatau ki te Reo Māori.
  • He tautōhito ki te mahi i waenga i ngā Iwi/ngāi Maori, me ngā rōpū hapori, me te mārama ki ngā hiahia o ngā hapori me ngā whanau.
  • He pūmanawa ōna ki te waihanga ki te whakaū hoki i te whanaungatanga takatika ki te matahuhatanga o te hunga whai pānga o waho.
  • Ngā pūkenga kia mōhio pū ki ngā āhuatanga katoa, me te takawaenga i ngā kirimana taumata ratonga (ngā SLA) me ngā kirimana whāngainga pūtea.
  • He tino mōhio ki te whakahaere rārangi pūtea, ki te whakatakoto pūrongo me te matapae pūtea.

Mehemea e mōhio ana te tangata tono ki ngā āhuatanga o te iwi o Raukawa, ki ōna tātai kōrero me ōna pekanga kētanga, ko te painga atu tēnā.  

E rapu ana mātou i te tiketike o te tū rangatira, o te kaha ki te whakaoti i ngā mahi katoa, te pukumahi o te tangata, me te māhorahora o ngā tikanga mahi.  Ko tā mātou he hora atu i tētahi whāinga wāhi ki te ārahi rautaki ahurea i roto i te whakahaere, ka kitea e te motu katoa, ā, he wāhi mahi ngaio, he ahurea ngaio, me tētahi rōpū e ngākau-nui ana ki ā rātou mahi.

Me mātua whai raihana taraiwa waka Momo 1 te hunga tono mai, me whakaae hoki kia tātaritia e te Hunga Pirihimana.

Mō tētahi puka tono me te whakaahua tūranga haere ki www.raukawa.org.nz.  Tukua mai tō tono me tō tāhuhu tangata, me tō reta hei uwhi ki hr@raukawa.org.nz i mua  i te Paraire 3 Ākuhata 2018.

E ū ana a Raukawa Charitable Trust ki tāna kaupapa here Taiao Auahi Kore.  Mō ētahi atu kōrero mō te Raukawa Charitable Trust peka atu ki www.raukawa.org.nz 

 

Copyright Taea Ltd 2013.