View site in Te Reo

Teach First NZ Programme

Home
Teach First NZ Programme

Teach First NZ Programme


Teach First NZ: Ako Mātātupu

Closing Date : 26 Jun 2018

TE MAHI: Te ārahi ara hou mā Te Reo Māori

Te whakaaweawe i roto tōu hapori
Te ako mā te mahi; te ako me te mahi
He tūnga mahi kaiako me he korahipi tohu paerua
E kimi ana a Te Ako Mātātupu te hunga e mōhio ana ki te reo Māori me ōna tikanga ki te āwhina ki te ārahi i te whakahounga o tā tātou ao mātauranga.

Nau mai, haere mai

E rapu ana mātou i ngā tauira kua whakapōtaehia, e matatau ana ki te reo Māori me ōna tikanga, kia tū hei tauira i roto ngā akomanga me ngā hapori o Aoteroa, ki te ārahi i o tātou rangatira mo āpōpō. Ko te tūmanako, arā te kaupapa, kia whai kia tutuki ia tauira, ahakoa nō hea, ahakoa ko wai, i ōnā ake wawatā. Ko te Ako Mātātupu tētahi ara mōu ki te whai i tēnei kaupapa, kia eke panuku, kia eke Tangaroa tātou katoa.

Mo te kaiwhakauru

Ka tautoko, ka wero hoki koe te tangata kia tae atu ia ki te toi o tōna rangi. Ka manaaki tangata, ahakoa ko wai. Ka whakaohooho wairua koe mā o pūmanawa, o whakapono, o mātauranga, me ōu ake whēako hoki.

He kaha koe ki te whakawhānau, ki te mahi kaiaka i te whare wānanga, ā, ka kakapa hoki tō manawa mo tēnei kaupapa. Ka whakapau kaha koe i roto i te aroha me te māhaki ki te ako, ki te tutuki pai i te mahi.

Mēnā ko koe tēnei, me tūtaki tātou!


Ko wai mātou

Mēnā ka taea, ka whakaako, mēnā ka whakaako, ka ārahi. He rōpū kore-huamoni a Te Ako Mātātupu. Ko tō mātou mahi he whakapakari tangata kia tū hei kaiako toa ki te patu i tētahi o ngā kino o Aotearoa ināianei
te taurite-kore o te ao mātauranga

Ki a mātou, e rua ngā āhuatanga ka taea ki te āwhina ki te patu i tēnei kino:

He kaiako ki te akiaki i ngā wawatā me ngā paetae o ngā tauira kei rō kura pōhara;
He rangatira kei ia wāhanga o tēnei porihanga, e whai pukenga ana ki te whakaaweawe hurihanga whānui.
Ko tā Te Ako Mātātupu, ki te tutuki i ngā āhuatanga e rua.

Te ara

Nā te āhuatanga o tā mātou hōtaka ka whai mātou i ngā kaiwhakaurunga tika mo tēnei kaupapa. Mo ngā wiki e iwa ka noho tahi ngā kaiwhakaurunga kua whai tūnga katoa, mai Whiringa-ā-rangi ki Hakihea, ki te wānanga mo ngā mahi kaiako o Aoteroa. Kātahi ka timata i tō rātou mahi i tētahi kura. Mo ngā tau e rua ka mahi i te taha o tētahi tuakana, ka whai hoki i te tohu Masters of Teaching and Education Leadership ki The Mind Lab o Te Whare Wānanga o Wairaka.

Ko te mānuka e takoto nei, he mānuka tino rangatiratanga, he mānuka wero, he mānuka whai hua. Mā tēnei mahi ka taea te kite i ngā hua o a tātou mahi me te ako hoki me aha anō tātou ki te āwhina i te kaupapa. Ka whai mahi tūturu, ā ka whai korahipi mo te Masters of Teaching and Education Leadership hoki koe.

Mo te nuinga o a mātou kaiwhakaurunga, he timatanga hou anō i te mutunga o ngā tau e rua. Ko ētahi ka whai mahi tonu i roto i te kura, ko ētahi atu ka whai mahi i rō kaipakihi, mo te kāwanatanga, aha noa atu. Ēngari ka noho ōrite tonu te tūmanako o te katoa ki te tutuki i te whakatikahanga o te taurite-kore o to tātou ao mātauranga.

Hei whakauru

Whakaotia i te puka whakaurunga i runga i te ipurangi. Kei raro te hononga mo tēnei. Ka mutu te wā whakaurunga o tēnei tau i te 25 o Pipiri 2018.

Ki te whakauru haere ki kōnei 
www.teachfirstnz.org/applications

Ka taea koe te titiro ki te rārangi māraurau ki kōnei
www.teachfirstnz.org/programme/who-we-look-for.

Ki te kōrero, mēnā he pātai mo tēnei kaupapa rānei, haere ki tā mātou whārangi ipurangi www.teachfirstnz.org, waea mai 0800 TO LEAD, īmera mai rānei apply@teachfirstnz.org.

 

Copyright Taea Ltd 2013.