View site in Te Reo

Tumuaki

Home
Tumuaki

Tumuaki


Te Kura Kaupapa Māori o Mana Tamariki

Closing Date : 24 May 2018

Wā Kikī/Pūmau

Nō te tau 1995 i whakatūria ai Te Kura Kaupapa Māori o Mana Tamariki. He kura Arongatahi (Tau 1 & Tau 13) ki te taone o Papaioea. E 59 ngā ākonga Tau 1 & Tau 11.

He wāhanga te kura o Mana Tamariki whānui āpiti atu ki te kōhanga reo i raro katoa i te tuanui kotahi.

Ko tētahi o ngā paearu whakauru tamariki kia kōrero Māori anake tētahi o ngā mātua rānei, ngā mātua tokorua rānei ki ngā tamariki katoa o Mana Tamariki.

Ko Te Aho Matua te tūāpapa o te kura, ā, he mema te kura o Te Rūnanga Nui o ngā Kura Kaupapa Māori o Aotearoa.

Kei te rapu a Mana Tamariki i tētahi Tumuaki mātau ki te kōrero Māori, he mātau hoki ki ngā tikanga Māori. Kia whai wheako angitū hei kaiārahi whakarautaki, hei pouako kura kaupapa Māori hoki.

Kua rēhitatia te kaitono, ā, kua riro te tiwhikete parakatihi katoa ināianei. He raihana taraiwa katoa ināianei tā te kaitono.

He mea nui kia whai wāhi koe ki ngā kaupapa ā tō/ō hapū, ā tō/ō marae.

Kia hōhonu te mōhio ki Te Aho Matua. He wheako angitū hei pouako ārahi i te marautanga, he mārama ki te whakaako, ki te whakahaere hoki i ngā mahi NCEA, ā, kua kitea te eke kairangi.

He mea nui tō kaha ki te whiri taura here ki te tangata, ki te hapori hoki, tae atu ki ngā tamariki, ngā kaimahi, ngā mātua/kaumātua me ngā kaiārahi o Rangitāne ki roto tonu i te kura.

“Kia kaha te kōrero Māori”– koinei te pepehā a te kura. Ko te whāinga kia whakaratoa he mātauranga reo Māori ko Te Aho Matua te tūāpapa, ā, he kounga tonu. Ko tā te kura he hāpai i ngā whānau ki te whakatutuki i te tuku ihotanga o te reo Māori i te whānau, heke, heke.

Tonoa mai tō reta tono, tō tātai pūmanawa me te puka tono ki a:

Miria Wipaki 06 3564383
Mō ētahi atu kōrero whakapā mai ki a Miria Wipaki ki te tau waea i runga ake nei, mā te īmēra rānei ki 
tari@manatamariki.school.nz

Katia ai ngā tono hei te Tāite 24 Haratua 2018.





Copyright Taea Ltd 2013.