View site in Te Reo

Expressions of interest in Māori language revitalisation research projects

Home
Expressions of interest in Māori language revitalisation research projects

Expressions of interest in Māori language revitalisation research projects


Te Mātāwai

Closing Date : 21 Aug 2017

Pānui

I whakatūria a Te Mātāwai e Te Ture mō Te Reo Māori 2016 (“Te Ture”) i te Paengawhāwhā 2016.

Ko tā Te Ture mō Te Reo Māori he:

  • whakamana i Te Mātāwai hei hinonga ā-ture motuhake 
kia noho ai hei kaiārahi mō te iwi Māori, ko rātou nei hoki ngā kaitiaki o te reo Māori; ka mutu 

  • whakamana i Te Mātāwai me te Karauna ki te whakatakoto rautaki reo hei tautoko i te whakarauoratanga o te reo Māori i runga i tā rātou whakatairanga kia tokomaha ake te hunga kōrero Māori me te whakapakari tonu i ō rātou reo. 


Kei Te Mātāwai te kawenga ki te whakatau tika i ngā kawenga i waenga i te Karauna, i ngā iwi me te Māori, tae atu ki te hunga whai wāhi ki te reo Māori. Nā konei i noho ai te kawenga i te taumata ki te motu ki te Karauna, me tā rātou tautoko anō i ngā iwi, i te Māori me te hunga whai wāhi ki te reo e kaha ake ai tō rātou mana i te wāhi ki te hapori. 


E tautokona ai ngā mahi a Te Mātāwai, e kimihia ana ētahi kairangahau whai taunakitanga ki te whakahaere i ētahi mahi rangahau. Ko tā te rangahautanga he whakapūmau i tētahi tūāpapa e mārama ai ngā āhuatanga e pā ana ki ngā mahi whakarauora i te reo Māori me ngā putanga. 


E āta whakaarohia ai te tangata mō te rangahautanga whai tikanga nei, e kimi ana a Te Mātāwai i ētahi kaitono e taea ana e rātou te:

  • whakaatu i te pono o tō rātou mārama ki ngā mātauranga e pā ana ki te whakarauora i te reo Māori, me pēhea te whakatinana me tō rātou tautōhito ki ēnei āhuatanga 

  • whakaatu i to rātou ngākau titikaha ki te reo Māori 

  • whakaatu i tō rātou mārama tūturu ki ngā tauira/tikanga o te rangahautanga Māori, ki ngā tirohanga hoki e pā ana ki te reo me te ahurea; 

  • whai kaimahi e mātau ana, e āhei ana ki te mahi i ngā mahi – tae atu ki te tohu i ō rātou tūranga me ā rātou kawenga i roto i ngā hōtaka rangahau; 

  • whakaatu kei a rātou, kei ā rātou kaimahi rānei ngā pūkenga me ngā wheako e hāngai ana, ngā hononga me ngā whātuinga e hāngai ana ki te hōtaka rangahau;
  • tāpae taunakitanga e tohu ana i te kaha tonu o ngā hononga ki te iwi/hapū tae atu ki ngā hapori me ngā rōpū whai wāhi * e hāngai ana; 
tāpae taunakitanga e tohu ana i te āheinga ki te tiaki raraunga kounga papai me ngā pūnaha kōnae papai. 


Mō te roanga atu o ngā kōrero mō ngā mahi rangahau, īmērahia mai a rangahau@tematawai.maori.nz mō tētahi kōpaki kōrero. 


Ka kati ngā tono ā te 5 i te ahiahi o te Rāhina, te 21 o Hereturikōkā 2017

He whakamārama noa ake, me tāpae mai ngā tono ki te hōputu kua tautuhia, me tāpiri mai anō ngā kōrero katoa e taunaki ana i ngā tohungatanga, i ngā āheinga me ngā pūkenga e kimihia ana mō te tūranga. Ka tae atu he kōrero ā-hiko ki te katoa o ngā kaitono, ā, tērā pea e noho ai ko te īmēra te ara whakawhitiwhiti kōrero. 


*tirohia Te Ture mō Te Reo Māori mō te rārangi iwi/Māori me ngā rāngai whai o Māori mō te rārangi iwi/Māori me ngā rāngai whai wāhi mai e hāpai ana a Te Mātāwai, e mahi tahi ana hoki ki a rātou. 


i. rangahau@tematawai.maori.nz n. +64 4 499 8907
 p. Pouaka Poutāpeta 844 • Te Whanganui-a-Tara 6104 
w. Te Papa 3, 2 Woodward Street • Te Whanganui-a-Tara 6011
AOTEAROA

 

Copyright Taea Ltd 2013.